Қысылғанға қой берген, тарыққанға тай берген. Осы қағиданы ұстанған Шымкенттік кәсіпкерлер қалада карантинге жабылған «Тәуелсіздікке 20 жыл» тұрғын алабына арнайы атбасын бұрды. Сондағы 750 отбасына күнделікті қажетті азық түлік таратты.
Қоғамдық тамақтану орындары әлі де санитарлық талаптарды орындауға асығар емес. Оған Шымкент қаласы Полиция департаментінің бастығы Ералы Жұмаханбетов кезекті рейд барысында көз жеткізіп, кәсіпкерлер түгілі өз қызметкерлеріне де шара қолданды.
Қиын-қыстау кезеңде елді азық-түлікпен қамтып бағаны тұрақтандыру басты мақсат. Осы орайда Шымкент қаласы кәсіпкерлік басқармасының қызметкерлері ірі сауда орталықтарына арнайы мониторинг жүргізіп отыр. Сала мамандары бұл жолы қаладағы «Қазыбек» әмбебап базарына арнайы барды.
Түркістан облысында көктемгі егіс науқаны қыза түсті. Еліміздегі төтенше жағдайға қарамастан диқандар егіс алқаптарында сақтық шараларын ұстанып, еңбек етуде.