Мемлекет шағын және орта бизнесті дамыту үшін әртүрлі бағдарламалар түзіп, жеңілдіктер жасап келе жатқаны белгілі. Осы орйда Шымкенттік қыз-келіншектер үшін жағымды жаңалықпен бөлісе кетсек. Шырайлы шаһардың қыз-келіншектері ендігі жерде 10 миллион теңгеге дейін жеңілдетілген несие алуына мүмкіндіктері бар. Несиелеудің бұл жаңа бағдарламасын «Қазақстан Халық Банкі» АҚ ұсынып отыр екен.
Шымкент қаласының өзінің аймақтық даму институты болады. Қала әкімі Ғабидолла Әбдірахымов 5 шілде күні әлеуметтік-кәсіпкерлік корпорация (ӘКК) түріндегі аймақтық даму институтын құру туралы шешім қабылдады. Ол институт толығымен қала әкімдігіне қарасты болмақ.
Шымкентте жаңа зауыттың тұсауы кесілді. «Аспан» сауда белгісі бойынша «Триумф Завод ММС» ЖШС елімізде тұңғыш рет есік, терезенің барлық қосалқы бөлшектерін шығарады. Бұған дейін есік-терезеге қажетті бөлшектер шетелдерден жеткізілетін. Енді бұл өнімдер өзімізде өндіріледі.
Шымкентке республикалық маңызы бар қала мәртебесі берілгелі қала өмірінде көптеген өзгерістер орын алып жатыр. Соның бірі ретінде қаладағы кәсіпорындардың жұмысшыларының жалақыларының арта бастауын айтуға болады. Мәселен, "Shymkent Temir" ЖШС Шымкент мегаполис атанған соң жұмысшыларының жалақысын көтерген қаладағы алғашқы кəсіпорын атанып отыр. Таяудақала басшысы Ғабидолла Əбдірахымов кəсіпорынды аралап қайтқан болатын. Мекеме жетекшісі Руслан Омаровқа жұмысшыларының еңбекақысын көтеру бастамасы үшін алғыс айтты.
Таяуда Шымкент қаласының әкімі Ғабидолла Әбдірахымов «Тассай» индустриялды аймағында орналасқан «ҚазТехникас» ЖШС-нің жұмысымен танысып қайтты. Мұндағы өндіріс орнында жарықтандыруға арналған диодты көше және кеңсе шамдары дайындалады екен.
Осы аптаның жұма, сенбісінде Шымкент қаласындағы «Көрме» орталығында Астананың 20 жылдығына орай отандық тауар өндірушілердің көрмесі өтті. Келушілердің қатарынан Шымкент қаласының әкімі Ғабидолла Әбдірахымов та табылды. Ол көрменің ашылу салтанатына қатысты.
Шымкент қаласының мемлекеттік қызметшілерінің еңбекақылары Қазақстан Республикасының орталық мемлекеттік органдарының деңгейіне дейін көтеріледі. Қазақстан Республикасы Парламентінің Мәжілісінде Қазақстан Республикасының Қаржы министрі Бақыт Сұлтанов жаңа Түркістан облысын қалыптастыруға байланысты бюджетке өзгерістер енгізудің және Шымкент қаласына республикалық маңызы бар қала мәртебесін берудің шарттары туралы әңгімеледі.
Өткен аптаның соңғы күндері Түркістан облысының әкімі Жансейіт Түймебаев жұмыс сапарымен Төлеби ауданына барып қайтты. Барғандағы мақсаты – мемлекеттік бағдарламалардың орындалу барысымен танысу болатын. Халқы өнеркәсіпке де, ауыл шаруашылығына да бейім келетін Төлеби ауданында атқарылған шаруалар аз емес екен.