13 тамыз – Спортшылар күні мерекесіне орай түрлі спорт саласында еңбек етіп жүрген бір топ азаматтарға аудан әкімінің марапаттары табыс етілді. Аудан әкімдігінің үлкен мәжіліс залында өткен іс-шарада аудан әкімінің орынбасары Бауыржан Шомпиев спорт мектебінің директорлары мен ардагер спортшыларды, үздік спортшылар мен спорт мекемелерінде жұмыс істеп жүрген қызметкерлерді төл мерекелерімен құттықтады.
Шардара ауданында Түркістан облысы әкімдігі мен басқарма қызметкерлерінің Түркістан қаласына қоныс аудару құрметіне орай спорттың жағажай түрлерінен жарыстар ұйымдастырды. Аудан әкімдігі мен аудандық дене шынықтыру және спорт бөлімінің ұйытқы болуымен өткен жарыста қала мен ауылдық округтерден келген спортшылар жағажай волейболынан, жағажай футболынан және балық аулаудан өзара сынға түсті.
Сейсенбі күні Төлеби аудандық «Нұр» мешітінде Қазақстан мұсылмандары діни басқармасының Түркістан облысы бойынша өкілдігінің ұйымдастыруымен «ХХI- ғасырдың үздік зияткер имамы» атты семинар өтті.
12 тамыз – Құрылысшылар күні Мақтаарал ауданында салтанатты түрде аталып өтті. Аудан әкімі Бақыт Асанов ауданның ардагер құрылысшылары мен қызметте жүрген құрылысшылардың басын қосып, ақ дастархан жайды.
16 тамыз Созақ ауданы Жастары күні. Бұл күн 2001 жылдан бері дәстүрлі түрде аталып өтеді. Биылғы жылы атаулы күн, Шолаққорғанның ауылындағы Тәуелсіздік саябағында кең көлемді тойланды. Мерекелік кеште аудан әкімі Салыхан Полатов сөз сөйлеп, өңір жастарымен қонақтарды құттықтады.
Республикамызда Аграрлық-өнеркәсіптік кешенді дамытудың мемлекеттік бағдарламасы Мемлекет басшысының жыл сайынғы Жолдауларында жүктелген стратегиялық міндеттерді, бірінші кезекте АӨК-дегі еңбек өнімділігін және өңделген ауыл шаруашылығы өнімдерінің экспортын кем дегенде 2,5 есеге ұлғайту міндетін іске асыруға бағытталған. Үстіміздегі айдың басында Түркістан облысына іс-сапармен келген Ауыл шаруашылығы министрі Өмірзақ Шөкеевпен өткен жиында етті және сүтті мал шаруашылығын дамытудың маңыздылығы атап өтілген еді. Сол жиында өңірлік салалық бағдарламалар шеңберінде өңірде 10 жылда бордақылау алаңдарының айналасында жалпы сүтті ірі қара мал басы 150 мыңнан асатын 3000 отбасылық ферма құрылатындығы белгілі болды.
Түркістан қаласында салынып жатқан «Golden Camel» ЖШС сүт өңдеу зауытына үш облыстың шаруалары сүт өткізулеріне болады. Бірегей зауыт қызметі туралы Түркістан облысы ауыл шаруашылығы басқарма басшысының орынбасары Нұржігіт Мырзахметов Астанадағы ауыл шаруашылық жәрмеңкесінде баяндап берді.
Сайрам ауданы әкімінің өкімімен бекітілген аудан бойынша жергілікті атқарушы органдардағы әдеп жөніндегі уәкіл функциясы аудан әкімі аппаратының персоналды басқару (кадр қызметі) бөлімінің басшысы Ғ.Айтқұловқа жүктелуіне байланысты барлық ауылдық округтерде және дербес бөлімдерде мемлекеттік әкімшілік қызметшілердің мемлекеттік қызмет, қызметтік әдеп нормаларын сақталуын, сондай-ақ ұжымдағы моральдық-психологиялық ахуалдың жай-күйін мониторингтеу мақсатында арнайы кесте түзілді.
Созақ ауданының әкімдігінде Қазақстан Республикасы мемлекеттік қызметшілерінің Әдеп кодексінің нормаларын сақтау және бұзушылықтардың алдын алу бойынша семинар ұйымдастырылды. Семинарды аудан әкімінің аппарат басшысы, Созақ ауданы бойынша жергілікті атқарушы органдардың әдеп жөніндегі уәкілі Қалдыбек Оразов жүргізіп отырды.
Биылғы 19 маусымда Елбасы – Ұлт Көшбасшысы Нұрсұлтан Әбішұлы Назарбаев Оңтүстік Қазақстан облысын Түрістан облысы деп қайта құру және оның орталығын Шымкенттен Түркістан қаласына көшіру туралы тарихи Жарлыққа қол қойғаны белгілі. Осы тапсырманы орындау үшін Түркістан облысы әкімдігінің мемлекеттік қызметкерлері Шымкенттен Түркістан қаласына көшіп келді. Облыс басшысы Жансейіт Түймебаев бастап келген көшті Түркістан қаласының әкімі Әліпбек Өсербаев бастаған зиялы қауым өкілдері мен ел ағалары басқармалар үйі алдынан салтанатты түрде күтіп алды. Кездесуде аймақ басшысы Түркістанды түлетуге келген мемқызметкерлердің жұмысына сәттілік тіледі. Бұл туралы «AQ-QARA.KZ» хабарлайды «ontustik.gov.kz-ке» сілтеме жасап.