Отырар ауданында биыл 9 айда жалпы өндірілген өнім көлемі 80,1 млрд теңгені құрады. Ал өнеркәсіп өнімінің көлемі – 15 млрд теңгеге жетсе, ауыл шаруашылығының өнім көлемі - 29,7 млрд. теңге көлемінде. Бұл туралы бүгін Отырар ауданының әкімі Сәкен Сұлтанханов мәлімдеді.

ҚР Президенті Қасым-Жомарт Тоқаев киелі Түркістанда Ұлттық құрылтайдың «Әділетті Қазақстан – Адал азамат» атты екінші отырысында әйгілі Марал ишанның Кенесары ханға сыйлаған Құран кітабын Қожа Ахмет Ясауи кесенесіне қоюды ұсынған еді. Осы орайда бүгін аталған Құран кітабын Қожа Ахмет Ясауи кесенесіне тапсыру іс-шарасы өтті. Салтанатты шараға Түркістан облысының әкімі Дархан Сатыбалды, Қазақстан Мұсылмандары Діни Басқармасының төрағасы, Бас мүфти Наурызбай қажы Тағанұлы, Кенесары ханның ұрпақтары қатысты.

Түркістан облысындағы елді мекендерді толық инфрақұрылыммен қамту бағытындағы жұмыстар жүйелі жүргізілуде. Ордабасы ауданы, Төрткүл ауыл округі, Төрткүл елді мекенінде табиғи газ беру нысаны іске қосылды.

Бүгін Өзбекстан астанасы Ташкент қаласында Түркістан облысы мәдениет және туризм басқармасының қолдауымен Қазақстан Жазушылар одағының Түркістан облыстық филиалы, Түркістан облыстық «Фараб» әмбебап ғылыми кітапханасы және Әлішер Науаи атындағы Өзбекстан ұлттық кітапханасының ұйымдастыруымен «Киелі Түркістаннан – Тарихи Ташкентке» атты әдеби-мәдени шарасы өтті.

Созақ ауданының орталығы Шолаққорған ауылындағы «Даңқ» саябағында ауыл шаруашылығы саласындағы дәстүрлі «Алтын күз-2023» шарасы өтті. Жиын аясында арзан бағада азық-түлік өнімдерінің жәрмеңкесі ұйымдастырылды. Сондай-ақ, ауыл шаруашылығы саласындағы заманауи технологиялар мен асыл тұқымды мал түрлерінің көрмесі өтті.

Бұл туралы Өңірлік коммуникациялар қызметінде өткен брифингте Түркістан облыстық мәдениет және халық шығармашылығы орталығының директоры Мейіржан Әлиакбаров мәлімдеді.

2027 жылға дейін ауданда 1 триллион теңгеге 13 инвестициялық жоба іске асырылатын болады. Атап айтқанда, келер жылы жоба құны 100 миллиард теңге болатын «Қазатомпром» компаниясының күкірт қышқылын өндіретін зауыт құрылысы басталады. «Маңғышлақ-Мұнай» компаниясы табиғи газ өндіру кәсіпорнының құрылысы басталады деп жоспарлану үстінде. Жоба құны — 89 миллиард теңге. 130 миллиард теңгеге «Созақ Фосфат» компаниясының минералды тыңайтқыш өндіру зауыты салынып, 1 мың адам жұмыспен қамтылады.

Түркістан қаласының әкімі Нұрбол Тұрашбеков сектор тұрғындарымен кезекті кездесуін аяқтады. Нәтижесінде тұрғындардың өтініші бойынша 143 тапсырма беріліп, орындалуы бақылауға қойылды.

Сарығаштағы шипажайлар орналасқан Көктерек кентіндегі заңсыз құрылыстарға тосқауыл қойылып, кентті дамытудың жаңа жоспары әзірленеді. Аталған мәселе облыс әкімі Дархан Сатыбалдының төрағалығымен өткен жиында талқыланды. Сонымен бірге Түркістан өңірінде туристік саланы дамыту жолдары да сараланып, салаға жауапты басшыларға тапсырмалар берілді.

Созақ ауданында халықтың әл-ауқатын жақсарту, сондай-ақ, экономикалық белсенді тұрғындардың санын көбейту, ауыл шаруашылығы мен кәсіпкерлік саласы бойынша көптеген жұмыстар атқарылуда.