«Автобус» жедел-профилактикалық іс шарасы басталды.

Үстіміздегі жылдың 30 маусымы мен 4 шілдесі аралығында Сайрам ауданы аумағында автомобиль жолдарында жолаушылар мен жүктерді тасымалдауды жүзеге асыратын жүргізушілер арасында көліктік тәртіпті арттыру, желіде қызметін тіркеусіз жүзеге асыратын азаматтарға қатысты бақылауды жетілдіру, автожолдарда заңсыз көшіп-қонушылар мен заңсыз тасымалдаушыларды, әсіресе шетелдік азаматтарды тасымалдайтын және шетелдік тіркеуі бар автобустарды анықтау, жолаушылар және автомобиль көлігінің багажын тасымалдау қағидаларын бұзуды тексеру, заңсыз қайта жабдықталған автобустарды, сондай-ақ техникалық жағдайы мен конструкциясы бекітілген жол жүрісі қауіпсіздігінің талаптарына сәйкес келмейтін автобустарды (такси) пайдалануға тыйым салуға шаралар қабылдау, шет мемлекетте тіркелген автокөлік құралдарымен Қазақстан Республикасы аумағында автомобильмен тасымалдауды жүзеге асыратын көлік құралдарын анықтау бойынша жұмыстар атқару мақсатында «Автобус» жедел-профилактикалық іс-шарасы жүргізіледі.

Аталған іс-шараға 50-ден аса полицей мен көліктік бақылау инспекциясы, жолаушылар көлігі және автомобиль жолдары бөлімі, мемлекеттік кіріс органдары мен көлік прокуратурасының қызметкерлері жұмылдырылып, 5 қызметтік автокөлік тартылды.

Бүгінгі күні әлемде есірткі мәселесі өршіп тұр. Оған қарсы күрес жүргізу үшін дүние жүзі мемлекеттері аянып қалып жатқан жоқ. Соның ішінде Қазақстан да есірткіге қарсы күресте нашақорлыққа және есірткі бизнесіне тосқауыл болар ауқымды бағдарламаларды іске асыруда. Осы тұрғыда Түркістан облысының полиция қызметкерлері «Қарасора» жедел-профилактикалық шарасын ұйымдастырып, тұрғындардың бірінен 1 келіден астам есірткі алды.

Нақтырақ айтсақ, Сайрам аудандық полиция бөліміне тұрғындардың бірі хабарласып, көшеде жүріс-тұрысы күмәнді ер адамның жүргенін айтады. Хабар алысымен тәртіп сақшылары оқиға орнына бірден жетті. Полицейлер аталмыш азаматтың автокөлігінің ішінде отырғанын анықтап, одан сұрастыру жұмыстарын жүргізді. Оның өзін және көлігін тінту кезінде, көліктің артқы орындығынан полиэтиленді пакетке оралған есірткі затына ұқсас зат тапты. Оны полицейлер айғақты зат ретінде тәркілеп алып, сараптама тағайындады. Нәтижесінде ол салмағы 1 келіден астам «марихуана» есірткі заты болып шықты. Қазіргі таңда сезікті қамауға алынып, оған қатысты тергеу амалдары жүргізілуде. Аталған жайтты полиция қызметкерлері ҚР ҚК-нің 296-бабы «Есірткі, психотроптық заттармен, сол тектестермен, прекусорлармен өткізу мақсатынсыз заңсыз жұмыс істеу» бойынша тіркеуге алды.

Түркістан облысының полицейлері есірткі заттарының заңсыз айналымы үшін қылмыстық жауапкершілік қарастырылғанын еске салады. Егер сізде, есірткіні заңсыз сақтау және өткізу жайттары туралы қандай да бір ақпарат болса, дереу полицияға хабарласыңыз.

 «AQ-QARA.KZ»- ақпарат

Түлкібас аудандық полиция бөліміне жергілікті тұрғын арызданды. Әйел адамның айтуынша, оның үйінде ешкім болмағандығын пайдаланып, белгісіз біреу ұрлыққа түскен. Ұры жәбірленушінің үйінен түрлі ыдыс-аяқтарды ұрлап кеткен. Тұрғынға келген шығын көлемі 60 000 теңгеге жуық. Аталған жайтты полиция қызметкерлері ҚР ҚК-нің 188-бабы 3-бөлігі 3-тармағы «Ұрлық» бойынша тіркеуге алды.

Тәжірибелі тәртіп сақшылары хабар алысымен оқиға орнына бірден келді. Олар ұрлық қылмысын ашу мақсатында қажетті шараларды жүзеге асырды. Жақын аумақтарды түгел қарап шығып, көрген-білгендерден жауап алды. Нәтижесінде күдікті ер адам жергілікті тұрғын болып шықты.

Анықталғандай, күдікті ер адам ішімдік алу мақсатында осындай қадамға барған. Ол жәбірленушінің үйінде ешкім жоқтығын пайдаланып, өзімен бірге арнайы шеге суырғыш құрылғысын апарып, ағаш есікті бұзып кірген. Сезікті ұрлаған бөтеннің мүлкін сатып, ақшасын жаратып жіберген. Полицейлер оның сатқан заттарын айғақты зат ретінде алып, заңды иесіне қайтарып берді. Қазіргі таңда сотқа дейінгі тергеу амалдары жүргізілуде.

Өз кезегінде Түркістан облысының полицейлері тұрғындарға ұрлық қылмысын болдырмау үшін жеке мүліктеріңізге сақ болуды ескертеді. Үйлеріңізге, ғимараттарға, дүкендерге арнайы бейнебақылау камералары мен арнайы дабылқаққыштар орнатуға кеңес береді.

«AQ-QARA.KZ»- ақпарат

Түркістан облысы аумағында 2022 жылы Қазақстан Республикасы ҚК-нің 217-бабы «Қаржылық пирамиданы құру және оған басшылық ету» жайты бойынша ешбір дерек тіркелмеген. Дегенмен облыс тұрғындарының «қаржы пирамидасының» құрбаны болуының алдын алу – Түркістан облысы ПД қызметкерлеріне артылған міндет. Осы тұста Сіздер үшін пайдалы ақпараттар ұсынсақ;

Қаржы пирамидаларын жасаушылар өздерінің алаяқтық схемаларын әртүрлі тәсілдермен жасыруға тырысады. Олар желілік маркетингпен, бағалы қағаздармен, зергерлік бұйымдармен, криптовалюталармен, туристік жолдамалармен және басқа да тауарлармен немесе қызметтермен сауда жасайтындығына және оның бәрі заңды түрде екендігіне сендіруге тырысады.

Алайда, бұл ұйымдардың жалғыз мақсаты – табысы жоғары жобаға сенетін аңғал азаматтардан ақша тарту екенін түсіну керек, бұл айтарлықтай қаржылық шығындарға әкелуі мүмкін. Кез келген қаржы пирамидасының басты ерекшелігі – өте жоғары табыс әкелетініне сендіріп, салынған ақшаны жылдам қайтаруға уәде береді. Сондай-ақ ұйымдастырушылар әр жаңа қатысушы үшін түрлі бонустар, жеңілдіктер немесе тіпті тікелей төлемдер ұсына алады. «Егер сіз тағы екі салымшыны алып келсеңіз, сіздің кірісіңіз 20% емес, айына 30% болады», – деп құрғақ сөзбен ауыз жыртады.

Әлеуметтік желілер мен мессенджерлердегі белсенді және ығыр қылатын жарнама да алаяқтық жобалардың ерекшелігі болып табылады. Ұйымға кіру немесе операцияларды жүзеге асыру үшін сіздің атыңыздан белгілі бір кіру жарнасын сұрауы немесе тіпті мерзімді негізде ақша салуды талап етуі мүмкін. Осы жағдайда бұндай ұйымдардың заңдылығына назар аудару қажет.

Қатысушылардың белгілі бір саны мен үлкен сома жиналған кезде ұйымдастырушы қатысушылардың барлық ақшасымен бірге жоқ болып кетеді. Ең соңында келгендер сыйақысыз және қаражатсыз қалады. Сондай-ақ оларда қандай да жолмен бір қорғану мүмкіндігі де болмайды, өйткені Қазақстандағы қаржы пирамидаларының қызметі заңсыз, яғни пирамиданы ұйымдастырушылармен қол қойылған барлық құжаттардың заңды күші жоқ.

Қаржы пирамидасын қалай танимыз?

1) Нарықтағы деңгейден бірнеше есе жоғары табысқа кепілдік береді.

2) Ұйымға тартқан әрбір клиент үшін сыйақы уәде етеді.

3) Компанияға мүше болу үшін міндетті түрде жарна талап етіледі.

4) Қаржы пирамидасының өз қаражаты, қымбат активтері болмайды.

5) Әлеуметтік желілерге агрессивті жарнама науқанын жүргізеді.

6) Компанияның нақты немен айналысатыны құпия болып қалады.

7) Жеке кездесуде ғана консультация береді.

8)Келісім шартқа ойланбай қол қоюға үндейді.

9) Компания корпоративтік шараларға, сыйлықтар мен жолдамалардың ұтыс ойынына қатысуға шақырады.

«AQ-QARA.KZ»- ақпарат

23-26 маусым аралығында Тайландтың Паттайя қаласында көркем гимнастикадан Азия чемпионаты өтті. Бұл жарыста шымкенттік екі спортшы Эльжан Таниева (2005 жылы туған) мен  Милан Парфилова (2007 жылы туған) Қазақстанның намысын қорғады.

Ұлттық Олимпиада комитетінің мәліметіне сәйкес, көпсайыста шымкенттік  Эльжан Таниева 7-ші орыннан көрінді.Жеке біріншіліктің финалында Эльжан Таниева лентамен көрсеткен өнерде бір алтын, түйреуішпен жасаған жаттығуда күміс медальін жеңіп алды.

Ал, Милана Парфилова доппен жаттығуда алтын және шеңбермен көрсеткен өнері бойынша бір күміс жүлдесін иемденді.  Қазақстан құрамасы командалық және көпсайыс жаттығуларда жақсы өнер көрсетті. Әсіресе жасөспірімдер қос бағытта да бірінші орынға тұрақтады. Ал жекелей сында Милана Парфилова топ жарды. Ол доппен жаттығу жарысына қатысқан болатын. Бұған қоса, Айым Мейіржанова мен Эрика Жайлауова күміс жүлдегер атанды. Олар сәйкесінше, булавамен және лентамен өнер көрсеткен еді. Ересектердің де көрсеткіші жаман емес. Қазақстан құрамасы командалық біріншілікте 2-орынға тұрақтаса, көпсайыс бәсекесінде үздік үштікті түйіндеді. Айта кетейік, 2021 жылдың басынан бері шымкенттік спортшылар Қазақстан Республикасының чемпионаттары, кубогтары мен біріншіліктерге қатысып 315 алтын, 239 күміс, 284 қола медаль жеңіп алған болатын. Жыл басынан бері Шымкенттік спортшылар Қазақстан Республикасының чемпионаттары, кубогтары мен біріншіліктерге қатысып 315 алтын, 239 күміс, 284 қола медаль жеңіп алды. Азия чемпионатары мен кубогтарында қала спортшылары 3 алтын, 3 күміс, 3 қола медальге қол жеткізсе, Әлем чемпионаттары мен кубоктарында 1 алтын, 5 күміс және 7 қола медальге ие болды. 5 айда 3 халықаралық дәрежедегі спорт шебері, 64 — Қазақстан Республикасының спорт шебері, 102 — спорт шеберіне үміткер спортшылар дайындалды.

Айта кетері, осыдан бір күн бұрын Қазақстан командасы топпен жаттығудан алтын медаль иеленген еді. Спортшы қыздарымыз шеңбермен өнер көрсетуде 30 балл алып, топ жарды. Көркем гинастиканың бұл түрінде күміс Өзбекстанға, қола Жапонияға бұйырды.

«Aq-qara.kz» -  ақпарат

Тұрғын үйдің жалдау ақысын субсидиялау бойынша өтінімдер Мемлекет басшысының тапсырмасы негізінде 2022 жылдың 18 сәуірінен бастап қабылданған болатын. Қазіргі таңда тұрғын үйдің жалдау ақысын субсидиялау бойынша баспана кезегіндегі 1201 азаматтың өтінімі мақұлданды. Бұл туралы «Отбасы банк» өкілдерінің қатысуымен өткен қалалық әкімдіктің баспасөз брифингінде тұрғын үй басқармасының басшысы Жанат Утебаева мәлімдеді.

–«Атаулы көмек қағидатына сәйкес 50% - мемлекет, қалған 50% - ын алушы өз бетінше төлейді. Қазіргі таңда тұрғын үй басқармасымен «Отбасы банк» АҚ арасында келісім шарт түзілуде. Республикалық және жергілікті бюджеттен қаражат бөлінген соң тұрғын үйдің жалдау ақысын субсидиялау бойынша өтінімі мақұлданған азаматтардың 50 пайыз жалдау ақысы мемлекет тарапынан төленетін болады»,-деді басқарма басшысы.

Отбасы мүшесінің санына байланысты максималды субсидияланатын сома мемлекет тарапынан бекітілген, ол 85678 теңгеден аспайды. Тұрғын үй жалдау төлемдерін субсидиялау бағдарламасына кезекте тұрған 1 және 2 топтағы мүгедектер, мүмкіндігі шектеулі балалары бар немесе оларды тәрбиелеп отырған отбасылар, ата-анасының қамқорлығынан айырылған балалар, көп балалы отбасылар қатыса алады. Баспана ақысын субсидиялау үшін үміткерлер қатарындағы отбасылардың соңғы 6 айдағы орташа жиынтық табысы отбасының әрбір мүшесіне шаққанда ең төменгі күнкөріс деңгейінен (1 КМ = 36 018 теңге 01.01.2022 ж. жағдай бойынша) аспауы тиіс. Бүгінде өтінімдер электрондық цифрлық қолтаңба (ЭЦҚ) көмегімен www.otbasybank.kz сайтында онлайн түрде қабылдануда. Сонымен қатар, субсидия алуға үміткердің банктік ағымдағы шоты болуы тиіс.

Азаматтар тұрғын үйдің жалдау ақысын субсидиялау бойынша қосымша ақпаратты Бейбітшілік 3, мекенжайында орналасқан «Amanat» партиясының қалалық филиалындағы «Отбасы банк» қызметкерлерінен алуға болады.

Түркістан облысы Полиция департаментінің нұсқауына сәйкес 27-29 маусым аралығында облыс көлемінде «Түнгі қаладағы балалар» профилактикалық іс-шарасы өтуде. Шараның мақсаты – жасөспірімдердің қатысуымен болатын құқықбұзушылықтың алдын-алу, түнгі мезгілде көшеде жүру ережелері, бала еңбегін пайдалану деректерін анықтау.

Профилактикалық шара кезінде Арыс аудандық полиция бөлімінің қызметкерлері түнгі уақытта аудан аумағындағы адам көп шоғырланатын жерлерді, көлік жуу орталығын, базарларды барып тексерді.

Тәртіп сақшылары ата-аналар мен балаларға түсіндірме жұмыстарын жүргізді. Ата-аналарға түнгі уақытта кәмелетке толмаған жасөспірімдердің заңды өкілінсіз жүрмеуін қадағалап, балаларының бос уақытын тиімді ұйымдастыруға, олардың жүріс-тұрысын үнемі бақылауда ұстау және түнгі уақытта көшеге жібермеуге кеңес берді. Себебі жасөспірімдер арасындағы құқықбұзушылықтың басым бөлігі түнгі уақытта орын алады.

Айта кететін жайт бұл бағыттағы шаралар тәртіп сақшылары тарапынан алдағы уақытта да жалғасын табатын болады.

Бейнебақылау камералары – құқық бұзушылық пен қылмыстың алдын алуға, сонымен қатар қадағалауға пайдасы зор. Бұл камералар полиция қызметкерлерінің жұмыстарын жеңілдетіп, тұрғындардың қауіпсіздігін қамтамасыз етеді. Себебі, осы көмекші құрал арқылы іздеген жоғын табады, ұрының жолы кесіледі.

Осы тұрғыда Түркістан облысы әкімдігінің кіші мәжіліс залында жиын өтті. Бұл шараға Түркістан облысы Полиция департаменті Жедел басқару орталығының бастығы полиция подполковнигі Сәбит Бахтығалиев, Ақпарат және байланыс басқармасының бастығы Дмитрий Буташев және Түркістан қаласы әкімі аппаратының Цифрландыру бөлімінің басшысы Аширхан Абдихадиров, облыс әкімдігінің цифрландыру, мемлекеттік қызметтер көрсету және архивтер басқармасының басшысы Елнұр Рахымбердіұлы, «Көркем Телеком» ЖШС Абзал Саттаров қатысты. Жиналғандар бейнебақылау камераларының тиімділігі мен болашақта азаматтардың қауіпсіздігін қамтамасыз ету бойынша қойылатын бейнебақылау камералары туралы кеңінен талқылап, зерделеді. Одан бөлек жедел басқару орталығына қосылған 1035 бейнебақылау камераларының жұмыс тиімділігін тексерді. Айта кетсек, облыс бойынша 1 303 бейнебақылау камералары орнатылып, оның 1035 данасы жедел басқару орталығына қосылған. Қазіргі таңда 81 камера істен шығып, жөндеу жұмысына берілді. Сонымен қатар «Сергек» камераларын қосымша қою туралы шешім қабылданды.

Ал облыс орталығы - Түркістан қаласында 56 дана «Пелко» бейнебақылау камерасы орнатылған. Бүгінде қасиетті өңірімізге келушілер саны жыл сайын көбейгендіктен және жаңа мөлтекаудандардың құрылуына байланысты бейнебақылау камераларын арттыру жұмысы басты орында. Осыған байланысты камераларды қажетті аумақтарға қою жұмысы қарастырылуда. Жиналыс соңында Полиция департаменті мен әкімдік қызметкерлері бейнебақылау камераларының жұмысы бойынша кездесулер ұйымдастырып, жұмысты жандандыруға уағдаласты.

«AQ-QARA.KZ»- ақпарат

Маусым айынан бастап балалардың жазғы демалысы басталды. "Балалар жылына орай" жасөспірімдер демалыс орындарына, лагерьлерге көптеп жіберілуде. Ал олардың қауіпсіздігі қашанда полицейлердің бақылауында.

Осыған орай Түлкібас АПБ қызметкерлері сауықтыру лагерінің әкімдіктері мен психологтармен бірлесіп жаздық сауықтыру лагерлерінде демалып жатқан 1550 жасөспіріммен профилактикалық шара жүргізді. Олардың ішкі тәртіпті қатаң сақтап, суға шомылу, тауға өрмелеу ережелерін бұзбау керектігі түсіндіріліп, спорт алаңдарындағы қауіпсіздік нұсқаулықтарымен егжей-тегжейлі таныстырылды.

Сонымен қатар тәртіп сақшылары балаларға сауықтыру лагерінде бөтеннің мүлкіне қол сұқпау, бір-бірін балағаттамау, заңға қайшы әрекеттерге бармау керектігін қатаң ескертті.

«AQ-QARA.KZ»- ақпарат

Келес ауданының әкімі Ақментай Есбаев Келес ауданы әкімдігі жанындағы ведомствоаралық құқық бұзушылық профилактикасы комиссиясының хаттамалық тапсырмасы негізінде, нашақорлыққа қарсы комиссия шеңберінде ауыр психатроптық дәрі болып табылатын - трамадол дәрісінің кері әсері және адам ағзасына тигізетін зардаптары туралы жергілікті тұрғындарға түсіндірме жұмыстарын жүргізу бойынша іс-шараларды атқаруды тапсырды. 

Берілген тапсырма аясында аудандық ардагерлер кеңесінің мүшелері, ауылдың беделді ақсақалдары, мешіт имамдары және құрылымдық мекемелердің қызметкерлерінен тұратын арнайы жұмысшы топ құрылып, тиісті түсіндіру жұмыстары жүргізеді. 

Айта кетейік, аудан басшысы ағымдағы жылдың 9 маусымында Алпамыс батыр ауылдық округінің тұрғындарымен кездескен болатын. Кездесуде Қауыншы елді мекенінің тұрғыны трамадол дәрісінің кесіренен талай отбасы ойран болып, болашағынан айырылып жатқанын айтып, мәселені назарға алуын сұранған болатын.

Трамадол дәрісі дәріханаларда рецепт бойынша сатылуы тиіс. Өкінішке қарай, бұл дәрінің заңсыз қолда сататындар қатары кездесуде. Соның кесірінен аталған зиянды препаратқа тәуелділік шамадан тыс артқан.

Аудан тұрғындарынан сұранарымыз, бұл жағдайдың алдын алмасақ түбі ұлттық қасіретке алып келуі әбден мүмкін. Тек түсіндіру жұмыстарын жүргізумен толық нәтижеге қол жеткізу мүмкін емес. Сондықтан аталған зиянды препаратты қолданған немесе сатып жатқан азаматтар жайлы ақпаратты білсеңіз шұғыл түрде 102 нөміріне хабарласып, ел денсаулығы үшін өз үлесіңізді қосыңыз.