Кездесуде күн тәртібіндегі мәселе бойынша Отырар ауданы полиция бөлімі бастығының орынбасары Дулат Сарыбасов баяндама жасап, террористік тұрғыдан осал объектілерді тексеру нәтижелерін атап өтті. Мұнан соң аудандық төтенше жағдайлар бөлімінің бастығы Мейрамхан Кемелханов террористік тұрғыдан осал объектілердің терроризмге қарсы қорғалуын ұйымдастыру шаралары туралы хабарлама жасады.

Жиын барысында жауапты мекеме басшыларына осал обьектілердің қорғалуына қатысты нақты тапсырмалар беріліп, кемшіліктер орын алған жағдайда заң аясында тиісті шаралар қолданылатыны жайында ескертілді. Мамандар терроризмнен қорғану бойынша жан-жақты ақпараттар мен тәжірибелерді айтып,жоспарларды пысықтады. Жиын соңында аудан әкімі аппаратының басшысы Ашим Елеусизов осал обьектілердің терроризмге қарсы қорғалуын түсіндіру мақсатында облыс орталығынан келген ақпараттық-түсіндіру тобының өкілдеріне алғысын айтып жиынды қорытындылады.

«WWW.AQ-QARA.KZ» - ақпарат