Шымкентте пилоттық жоба шеңберінде атаулы әлеуметтік көмек және тұрғын үй көмегін алатын азаматтар үшін тауарлық газға ақы төлеуге жеңілдіктер беруге бағытталған "әлеуметтік әмиян" жүйесі іске қосылмақ. 

"Әлеуметтік әмиян" жұмыс алгоритмі шеңберінде атаулы әлеуметтік немесе тұрғын үй көмегіне құқығы бар барлық азаматтар 1414 нөмірі арқылы хабарлама алатын болады. Оларға "әлеуметтік әмиян"сервисі қолжетімді болатын eGov-mobile қосымшасын орнату ұсынысымен SMS келіп түседі. Бұл сервисте азаматтар "QazaqGaz Aimaq" ақ абонентінің дербес шотына автоматты түрде байланыстырылатын тауарлық газды төлеу кезінде жеңілдік ваучерін белсендіре алады. Ваучер бойынша жеңілдік мөлшері ағымдағы айдағы газды тұтынудың нақты көлемі негізінде айқындалатын болады, бұл жеке қажеттіліктерді ескере отырып, көмекті әділ бөлуді қамтамасыз етеді. Энергетика министрлігі Ұлттық экономика министрлігімен, цифрлық даму, инновациялар және аэроғарыш өнеркәсібі министрлігімен, сондай-ақ Еңбек және халықты әлеуметтік қорғау министрлігімен бірлесіп, Шымкент әкімдігімен келісе отырып, ваучерлер беру тәртібін реттейтін бірлескен бұйрық әзірледі. Құжатта "мемлекеттік атаулы әлеуметтік көмек алушылар үшін тауарлық газға ваучерлер ұсыну" пилоттық жобасын іске асырудың шарттары мен тетіктері егжей-тегжейлі сипатталған. 6 ай аяқталғаннан кейін алынған нәтижелер негізінде жобаны Қазақстанның барлық аумағына кеңейту туралы шешім қабылданады, бұл әлеуметтік қолдаудың тиімділігін арттыруға және азаматтардың жеңілдікті санаттары үшін жеңілдіктер беру процесін автоматтандыруға мүмкіндік береді. Бұл бастама азаматтарға жеңілдіктер алудың ыңғайлы құралын ұсына отырып, әлеуметтік көмек жүйесінің қолжетімділігі мен ашықтығын жақсартуға бағытталған.