Келесі кезекте ауыл шаруашылығы саласындағы индикаторлық көрсеткіштердің І тоқсандағы орындалуы және шегіртке зиянкестеріне қарсы жүргізіліп жатқан жұмыстар талқыланды. Ауыл шаруашылығы бөлімінің басшысы Ербол Насыр аталған бағыттағы жұмыстардың барысын баяндап, нақты көрсеткіштерге тоқталды. Сонымен қатар, Конго-Қырым қанды безгегінің алдын алу бағытында атқарылып жатқан жұмыстар туралы ветеринариялық қызмет өкілі Мадихан Абдироманов хабарлама жасады. Бұл бағыттағы алдын алу шараларын күшейту қажеттігі атап өтілді.

Қосымша күн тәртібінде халықты жұмыспен қамту, Д және Е санатындағы отбасыларды өзектендіру, көктемгі әскерге шақыру науқанының орындалу барысы қаралды. Сондай-ақ облыс әкімінің хаттамалық тапсырмаларының орындалуы мен «Таза Қазақстан» экологиялық акциясы аясында анықталған кемшіліктер талқыланды. Мәжіліс қорытындысы бойынша аудан әкімі жауапты сала басшыларына нақты тапсырмалар жүктеп, көрсетілген бағыттар бойынша жұмысты күшейтуді тапсырды.

«WWW.AQ-QARA.KZ» - ақпарат