Сондай-ақ, секторға тиесілі жеке үйлердің шатырлары да кезек күттірмейтін мәселе. Сондықтан, сапалы құрылыс материалдарын пайдалану да маңызды. Мұны ескерген қарағандылықтар ағашты Шымкенттен, басқа материалдарды Қарағанды мен Алматыдан алдырып отыр.

Ақмарал Әлімбетованың жеке аумақтағы үйі де осы 5-секторға тиесілі. Азаматша салынғанына 1-2 жыл ғана толған жаңа үйінің жарылыстан кейінгі кейпі адам танымастай болғанын айтады. Құрылысшылардың жедел жұмысының арқасында баспанасы қалпына келіп қалыпты. Айналасы бірнеше күннің ішінде құрылысы толық аяқталып, бұрынғы қалпына келеді. Сапалы жұмыс істеп, шеберліктерін көрсеткен 5-сектор өкілдеріне отанасы разы. «Рахмет, өте сапалы жылдамдықта. Барлық халықтың көңілінен шығу үшін біздің жағдайымызға, қас-қабағымызға қарап барынша тырысып жатқанына. Не айтсақ, соны орындап жатыр. Мен өзім ризамын» - дейді ол.

5-сектордағы құрылысшылар қазір негізгі жұмыстарын аяқтады. Енді қайта қалпына келтірілетін үйдің аз бөлігі қалған. Ол да шілде айының соңына дейін бітедідеп күтілуде. Келесі айға жетпей тұрғындар қалыпқа келген, сапалы баспанасын қабылдап алмақ.

«AQ-QARA-KZ» - ақпарат»