Кездесудің мақсаты – денсаулық сақтау саласы өкілдерінің арасында сыбайлас жемқорлыққа қарсы мәдениетті қалыптастыру және парасаттылық қағидаларын енгізу болып табылады.

Шарада сөз алған Департаменттің бас маманы Ж.Әлжанова сыбайлас жемқорлықтың алдын алу және парасаттылық мәдениетін қалыптастыру мақсатында Агенттік тарапынан жүзеге асырылып отырған жобалармен таныстырды. Сонымен қатар парасаттылық қағидатын ұстанып,  адалдық, әділдік, әдептілік және сатылмаушылық сияқты құндылықтар мінез-құлық нормасына айналуы тиіс екендігі айтылды.

Шара барысында Агенттіктің «1424» Call-орталығы азаматтарға тегін ақпараттық-консультациялық қолдау көрсететіні, шағымдар, өтініштер, ұсыныстар мен пікірлерді қабылдайтыны, сыбайлас жемқорлық фактілеріне, сондай-ақ кәсіпкерлік қызметке кедергі келтіру жағдайлары туралы телефон хабарламаларына шұғыл әрекет ететіндігі жеткізілді. Сондай-ақ шара қорытындысымен ашықтықты қамтамасыз ету мақсатындағы «Open Space» форматындағы азаматтарды қабылдау кабинеті таныстырылды. Мұнда Орталық басшылығы мен ұжымы азаматтардың өтініштерін қарап, жедел мәселелерін шешуге көмектеседі.

«AQ-QARA.KZ»-ақпарат.