«Бүгінде Шардара ауданына жұмыртқа сырт аудан, қалалардан тасымалданады. Тіпті еліміздің өзге облыстарынан әкелінеді. Яғни сұраныс мол. Бізге осы жайт ой салып, жұмыртқа өндіру бағытында жеке бизнесімізді бастап көрмекке ниеттендік. Міне, былтыр 5 мың тауық әкелсек, алдағы шілде айында оның қатарын 10 мың басқа жеткізсек деп отырмыз» ,- дейді «Жаушықұм-құс» серіктестігінің басшысы Құралбек ДүйсебаевКәсіпкер жігіт дәл осындай тауық фермасын көрші Арыс қаласының Ақдала ауылында да салып жатыр. Қазір бұл ферманың құрылысы қарқынды түрде жүргізілуде. Енді бірер айда 10 мың бастық тауық фермасы Арыс қаласынан да іске қосылады.
Бейсенбі, 12 Наурыз 2020 12:37
Түркістанда құс фермасы іске қосылады
Түркістан облысы Шардара ауданының Жаушықұм ауылында 5 мың құсы бар тауық фермасы іске қосылады. 2019 жылдың қазан айында Жаушықұм ауылының тұрғыны Құралбек Дүйсебаев Талдықорған қаласынан 5 мың бас балапан сатып әкеліп, арнайы қорада күтіп-баптаған. Сол балапандардың басым бөлігі енді бірер күнде алғашқы жұмыртқасын бере бастамақ. Шаруа күніне шамамен 4,5 мың дана жұмыртқа алуды жоспарлап отыр.