Сондай-ақ, үздік деп танылған 5 стартап питч конкурсының жартылай финалына автоматты түрде өтіп, 2020 жылдың 1-2 маусымда Минскідегі Emerge жобасына EMERGE x TURKISTAN атынан қатысады.

   Атап айтсақ, жиынның Лондондағы ұйымдастырушысы Алина Безуглова мен Минскідегі ұйымдастырушысы Марго Лазаренково және «Serpin» білім және инновация ұлттық палатасының директоры Әкім Тұрсын рухани шаһарға келіп, БАҚ өкілдеріне іс-шараны тереңінен түсіндіріп,  маңыздылығына тоқталды.

  Ұйымдастырушылардың айтуынша EMERGE x TURKISTAN-ның басты мақсаты — жастар арасында дамып жатқан tech-хабты қолдау. Сол себепті де конференция ақысыз, бірақ арнайы шақыртумен өтеді. Ал, қатысушылар тізімінде болу үшін https://emergeconf.io/turkistan/kz сайты арқылы 12 наурызға дейін өтінім тастауға болады.

    Конференция нәтижесінде IT-мамандар индустриядағы соңғы трендтерден хабардар болып, өз байланысын кеңейтуге мүмкіндік алады. Сонымен қатар, танымал Microsoft, Samsung, Huawei, PicsArt, Google, Facebook, Amazon, Speaker Examples, Abbyy, Uber, Revolut, skyeng, MTS, Alibaba және басқа да компания өкілдерімен жүздеседі. Инвесторлар болса, сапалы жобалар мен кәсіби серіктестер табуына ықпал етеді.