Қала әкімі Қазпошта мекемесінің төтенше жағдай кезінде, әр ай басында халық көп шоғырланатынын біле тұра алдын алу шаралары жасалмағанына сын айтты. Сондай-ақ, қызмет алу жүйесін оңтайландыру мақсатында ғаламтор арқылы жұмыс атқаруды тапсырды.
Естеріңізде болса, дүйсенбі күні Рашид Аюпов адамдардың көптеп келуі себебімен ҚазПошта мекемесіне барып, халықты сабырға шақырған еді.
Нәтижесінде: пошта байланыс торабы демалыссыз, 10:00–16:00 уақыт аралығында:
6-7 сәуір күндері – зейнетақы төлемдері
8-9 сәуір күндері – арнайы төлемдер үшін шот ашу
10-12 сәуір күндері – атаулы әлеуметтік көмек төлемдері және басқада қызмет түрлері көрсетілетіні хабарланған еді.
Одан бөлек, тұрғындарды кезекте тұрып, күттірмес үшін post.kz сайты және 1499 call-орталық арқылы ақпарат алуға, сәлемдемелерді және зейнетақыны үйге жеткізуге, курьерді шақырып EMS жөнелтімді алып кетуге тапсырыс беру мүмкіндігі де бар.
Жалпы, 3-4 сәуірде 2710 әлеуметтік көмекті алушыларға шот ашып, банкомат арқылы 4600 аса тұтынушыға қызмет көрсетілсе, 6-7 сәуір күндері 12350 клиентке зейнетақы төлемдері жасалды.
«AQ-QARA.KZ»-ақпарат.