Конференцияның күн тәртібінде келесі мәселелер қаралды:

1. ҚР Президенті, Елбасы Н.Ә.Назарбаевтың «Қазақстандықтардың әл-ауқатынының өсуі: табыс пен тұрмыс сапасын арттыру» атты Қазақстан халқына Жолдауын талқылау; 

2. Аумақтық партия филиалы Саяси кеңесінің 2017-2018 жылдары атқарылған жұмыстары туралы есебі;

3. Аумақтық партия филиалының Саяси кеңесін сайлау;

4. «Нұр Отан» партиясы Түркістан облыстық филиалының кезектен тыс ХХХV конференциясына делегаттар сайлау.

Күн тәртібіндегі бірінші мәселе бойынша аудандық ішкі саясат бөлімінің басшысы Р.Алтынбеков Елбасы Н.Ә.Назарбаевтың «Қазақстандықтардың әл-ауқатынының өсуі: табыс пен тұрмыс сапасын арттыру» атты Қазақстан халқына Жолдауын баяндап, насихаттау бойынша аудан аумағында атқарылып жатқан жұмыстарға тоқталып өтті.

Күн тәртібіндегі екінші мәселе бойынша аудандық партия филиалының төрағасының орынбасары А.Нұранов аумақтық партия филиалы Саяси кеңесінің 2017-2018 жылдары атқарылған жұмыстары туралы есебін баяндады.

Конференция аумақтық партия филиалының Саяси кеңесін және «Нұр Отан» партиясы Түркістан облыстық филиалының кезектен тыс ХХХV конференциясына делегаттар сайлауымен жалғасты. Сайлау барысында ұсынылған азаматтардың тізімі дауысқа қойылып, бірауыздан қабылданды. 
Жиын барысында бір топ азаматтар жарыссөзге жазылып, Елбасының «Қазақстандықтардың әл-ауқатынының өсуі: табыс пен тұрмыс сапасын арттыру» аты Қазақстан халқына Жолдауының артықшылықтарын айтып, қолдайтындықтарын жеткізді.

Конференцияны қорытындылаған аудан әкімі Нұрбол Әбдісаттарұлы «Елбасы Жолдауын жоғары деңгейде насихаттап ғана қоймай, іске асыруға баршамыз бірігіп атсалысуымыз қажет» деді.

«AQ-QARA.KZ»-ақпарат.