Жиында Түркістан қаласы аумағында Төтенше жағдай уақытында қауіпсіздіктің алдын алу шаралары жүйелі жүретіні айтылды. Атап айтар болсақ, тойханалар, театр, көрме сынды халық көп шоғырланатын жерлер қызметін тоқтатып, оны қадағалау полиция қызметкерлеріне тапсырылды. Базарлар жұмыс істегенімен, дезинфекциялау және тазалық жұмыстары күшейтілетін болады және үздіксіз жүргізіледі.Сонымен қатар, жарлыққа сай азық-түлік дүкендерінің жұмыс істеу-істемеу шешімін әрбір жергілікті атқарушы органға тапсырылған болатын. Сондай-ақ Түркістан қаласының әкімі Рашид Абатұлы, азық-түлік дүкендері және дәріханалардың жұмысы тоқтамайтынын айтты
.