Түркістан облысының Өңірлік коммуникациялар қызметінің мәліметінше, бүгін елімізде бастау алған "Мейірімді ауылдастар" акциясына облыстың әрбір аймағы қатысып жатыр. Соның ішінде Түлкібас ауданы белсенділік тантып, өз үлестерін қосуда алдыңғы қатарларда. Акция аясында Түлкібас аудан әкімдігінің ұйымдастыруымен Тұрар Рысқұлов ауылында халық көп шоғырланатын «Халық банкі», «КазПочта», аудандық орталық емхана және бірқатар ірі сауда орталықтарында ерікті тұрғындар тарапынан тігілген 4000дана бетперде тегін таратылды.

 Игі іске аудан тұрғындары ризашылдықтарын білдіріп, алғыстарын айтты. Бетпердені тарату жұмыстарына аудан әкімдігінің қызметкерлері де ат салысты.

 Аудан әкімдігі баспасөз қызметінің хабарлауынша, алдағы уақытта дәл осындай игі істер ауданның өзге елдімекендерінде де өз жалғасын табатын болады.

 «AQ-QARA.KZ»-ақпарат.