Осыған орай бүгін аудан әкімі Мұхит Отаршиев және ауданның еріктілері Еңкес елді мекеніне арнайы барып, #Bizbizgemiz акциясы аясындағы қайырымды бастаманы жалғастырды,-деп хабарлайды Сарыағаш ауданы әкімдігінің баспасөз қызметі.
Ауданның жаны жомарт демеушілері тарапынан ұсынылған тұрмысқа қажетті заттар мен азық-түліктерді аталмыш ауылдағы жалғыз басты қарттар мен ерекше қажеттіліктері бар азаматтарға және тұрмысы төмен көпбалалы 50 отбасының әрбіріне бір қап ұн және әр түрлі азық түліктен тұратын әлеуметтік корзиналар дайындалып, жеткізілді. Көмек қолын созған азаматтарға ауыл тұрғындары шынайы ризашылықтарын білдірді.
Аудан басшысы алдағы уақытта да Еңкес елді мекені аудан әкімдігінің басты назарында болатынын жеткізді. Бұндай игі жұмыстар алдағы уақытта да өз жалғасын табатын болады.

«AQ-QARA.KZ»-ақпарат.