Бүгін аудан әкімдігінің ұйымдастыруымен дала еңбеккерлерінің «Алтын күз - 2024» мерекелік шарасы өтті. Шәуілдір ауылындағы орталық алаңда өткен шараға аудан әкімі Қайрат Жолдыбайұлы қатысып, аудан шаруаларын мерекемен құттықтады.
Бүгін аудан әкімі Қайрат Жолдыбайұлы аудан тұрғындарымен есепті кездесуін Балтакөл, Маяқұм ауыл округтерінен бастады. Ауыл тұрғындарымен кездесіп, талап-тілектерін тыңдаған аудан басшысы бұған дейін тұрғындар тарапынан айтылған ұсыныс-пікірлер мен өтініштердің орындалуы туралы баяндап, ауылдарды дамыту бағытында атқарылатын жұмыстарды атап өтті.
Аудандағы ынтымағы мен бірлігі жарасқан ауылдың бірі - Балтакөл ауылы. Ауыл азаматтарының арасында өзара түсіністік қалыптасып, әрдайым бір-бірлеріне қолдау көрсетіп келеді. Ауылдан шыққан жанашыр азаматтар туған жердің, халқының жағдайын естен еш шығарған емес. Бірі халқының денсаулығын жақсартуға қолдау көрсетсе, енді бірі жол салып, көшелерді жарықтандыруды жүргізген. Бүгінде осы бір қалыптасқан игілікті істер жалғасын табуда.
Түркістан қаласындағы «Өнерлі өлке» облыстық өнер фестивалі аясындағы Отырар ауданының мәдениет күндері «Керуен сарай» туристік кешеніндегі аудан өнерпаздарының қатысуымен өткен гала-концертпен жалғасын тапты.
Бүгін «Өнерлі өлке» облыстық өнер фестивалі аясында Отырар ауданының мәдениет күндері басталды. Шараға ауданның тумасы, әлем ақыны, Қазақстанның Еңбек ері Мұхтар Шаханов арнайы қонақ болып, ризашылығын білдірді.
Бүгін аудан әкімі Қайрат Жолдыбайұлы аудандағы жүгері және мақта шаруашылығын дамыту жұмыстарымен танысты. Алдымен Қарғалы ауыл округіне қарасты «Отырар-Дән» жүгері кептіру және сақтау кәсіпорнында болып, шаруашылық төрағасымен кездесті.
Халықаралық қарттар күні мерекесінде аудан әкімі Қайрат Жолдыбайұлы аудандағы ғасырға жуық өмір сүрген тыл ардагерлерінің үйіне арнайы барып мерекемен құттықтап, ғибратты ғұмыр иелеріне құрмет көрсетті.
Бүгін 1 қазан – Халықаралық қарттар күні мерекесі Отырарда ерекше салтанатпен аталып өтті. Аудандық мәдениет сарайында «Қариялар – асыл қазынамыз» тақырыбында өткізілген мерекелік іс-шараға ауылдық округтерден келген тыл және еңбек ардагерлері, зейнеткер ата-әжелер мен тұрғындар қатысты.
Бүгін аудан әкімі Қайрат Жолдыбайұлының төрағалығымен кезекті аппарат мәжілісі өтті. Жиынға аудан әкімінің орынбасарлары, бөлімдер мен мекеме басшылары, ауыл округтерінің әкімдері қатысты. Мәжілістің күн тәртібінде референдумға дайындық жұмыстары, ауыл округтері әкімдерінің 8 айдағы жұмыстарын бағалаудың рейтингтік көрсеткіштері туралы және өзге де өзекті мәселелер қаралды.
Отырар ауданы әкімдігі мен аудандық полиция бөлімінің ұйымдастыруымен «Нашақорлыққа жол жоқ, біз өмірді таңдаймыз!» форумы өтті. Шараға Отырар ауданы Прокуратурасы мен полиция бөлімі, Отырар аудандық соты мен кірістер басқармасының өкілдері, мекеме қызметкерлері мен ауыл тұрғындары, БАҚ өкілдері қатысты.