Бұл бетперделердің барлығы Шымкент қаласындағы жергілікті кәсіпорындарда тігілген. Мұнан бөлек қала аумағындағы дәріханаларға жергілікті жерде өндірілген 185 мың дана бетперде түсті. Тиісті органдар бетперде бағасының негізсіз қымбаттамауын қадағалап отыр. Бетпердемен қамтамасыз ету үшін жергілікті кәсіпкерле күніне 100 мыңнан астам медициналық бетперделер тігіп, қала аумағындағы дәріханалар мен базарларға жеткізуде.
Бетперделер шығаратын кәсіпорындар («Гаухар», «Azala Тextile», «АГФ групп» ЖШС, «ALATEX» жеңіл өнеркәсіп орындары) қуаттылығын және антисептиктер мен басқа да дизинфекциялықзаттар шығаратын өнімдерінің көлемін арттыру шаралары қабылданды. Бүгінгі таңда бетперделердің бағасы 150-200 теңге көлемінде сатылуда. Бұл баға – бетпердеге кететін материалдар мен басқа да шығындарды есептегенде шығатын құны. Қаладағы «Mega Pharma» ЖШС 20000 мыңға жуық бетперде мен балаларға арналған 600 аскорбинді қышқыл дәруменін таратты. Бетперделер шаһарда адам көп шоғырланған орындарда, атап айтқанда, Арбат демалыс орны, «Жаңа шаһар» базары, «Север» сауда үйі, Қайнарбұлақ және Сайрам елдімекендерінде таратылды.
«AQ-QARA.KZ»-ақпарат.