Шымкенттегі көшелер мен орталық алаңдар, балалардың ойын алаңшалары, сауда алаңдарының аумақтары, көп қабатты үйлердің кіреберістері мен аулалар күнделікті дезинфекциялық режимге көшірілгенін айта кеткен жөн. Таяуда Шымкент қаласы Әл-Фараби ауданы, Отырар шағын ауданындағы көп қабатты үйлердің аулалары мен кіреберістеріне дезинфекциялау жұмыстары жүргізілді.

Еске сала кетсек, кеше аталған аудан аумағында залалсыздандыру жұмыстары А.Байтұрсынов, К.Тоқаев, Ғ.Иляев, Тәуке хан, Түркістан, Т.Әлімқұлов, Т.Орынбаев, І.Есенберлин көшелерінің бойындағы көп қабатты үйлердің аулалары мен кіреберістеріне жасалған болатын. Бұл туралы ақпаратты жазған едік. Бұл жұмысты су бүркитін автокөлік және арнайы киім киген жаяу жүргінші топ атқаруда. Аталған жұмыстар кестеге сәйкес, күнделікті жалғасады.

«AQ-QARA.KZ» - ақпарат»