Сейсенбі, 07 Сәуір 2020 11:03

Шымкентте тұрғындарға төтенше жағдай талаптарын сақтау шаралары түсіндірілді

Шымкентте коронавирус індетінің алдын алу мақсатында шектеу шараларын ТЖ департаментінің мамандары үйме-үй аралап, түсіндіріп жатыр. Бұл жөнінде Шымкент қаласының төтенше жағдай жөніндегі штабы хабарлады. 

Төтенше жағдай жөніндегі мемлекеттік комиссияның келісімімен 4 сәуір сағат 21.00-ден 15 сәуір аралығында Шымкент қаласы аумағында карантин режимі енгізілді. Карантин кезінде тұрғындар мен көліктің барлық түріне Шымкент қаласынан шығуға және қалаға кіруіне тыйым салынады. Қоғамдық демалыс орындары, сонымен қатар саябақтар мен балалар алаңшаларына баруға болмайды. Қала тұрғындары үйлерінен азық-түлік, дәрі-дәрмек, медициналық көмек, банк және пошта қызметтерін алу үшін ғана шыға алады.

«Дәл қазіргі жағдайда індеттен өзін-өзі оқшаулау ғана қала тұрғындарын аман алып қалатындығын ескертеміз. Осы орайда, сақтық шараларын қатаң ұстану жолдары қала тұрғындарына тұрақты түсіндірілуде», - дейді Төтенше жағдай департаментінің мамандары.

«AQ-QARA.KZ»-ақпарат.

Оқылды 394 рет