Түркістан қаласының 1993 ж., тұрғыны мен Қазығұрт ауданының 1997 ж., 1994 ж., 1973 ж. және 1957 жылғы тұрғындарының COVID-19 инфекциясын жұқтырғаны анықталды.

Сонымен қатар, скринингтік зерттеу барысында Сарыағаш ауданының 1993 жылғы тұрғынының да коронавирусты жұқтырғаны белгілі болды. Қазіргі таңда, аталған азаматтармен жақын байланыста болғандар анықталып, медициналық бақылауға алынуда. Науқастардың жағдайы қанағаттанарлық. Бекітілген хаттамаға сәйкес тиісті ем қабылдап жатыр.

Ауру ошақтарында дезинфекциялық жұмыстар жүргізілуде. 02.05.2020 ж. сағат 17:25-тегі жағдай бойынша Түркістан облысында вирус жұқтырғандар саны  130-ға жетті.

Ал, сәйкесінше, Түркістан облысы бойынша бүгінге дейін 43 адам коронавирус инфекциясынан жазылған. Бұл сан күн санап артып келеді.

Айта кетейік,  коронавирус инфекциясының ошағына айналған аймақтарда тәулік бойы қызмет көрсететін медициналық тірек бекеттері орнатылды. Демек, тұрғындарға алысқа бармай тікелей үй жанынан дәрігер көмегіне жүгіну жағдайы жасалынған. Барлық мағлұмат штабқа хабарланып отырды.

«AQ-QARA.KZ»-ақпарат.