Бүгінде стационардағы төсек-орындардың 90 пайызы босады. Қолайсыз эпидемиологиялық ахуал кезінде COVID-19 инфекциясымен күреске медициналық ұйымдарда 26 провизорлық стационар жұмыс істеді.

Сонымен қатар, шаһардағы емханалар жанынан құрылған 133 мобильді топ тәулік бойы шақыртуларға шығуда. Қазіргі таңға дейін 25 мыңға жуық науқастың үйіне барып, медициналық қызмет көрсеткен.

Айта кетейік, 24 тамыздағы жағдай бойынша қалада коронавирус инфекциясына шалдыққан науқастар саны – 5165, оның ішінде 2635 - симптомды, 2530 - симптомсыз.

Қалада вирус жұқтыру деңгейінің төмендеуіне жүргізіліп жатқан алдын алу жұмыстары, оның ішінде шектеу шаралары оң нәтижесін беруде. Дегенмен медицина мамандары әлі де босаңсуға болмайтынындығын, қауіптің әлі де сейілмегенін ескертуде. Оған қоса мамандардың алдағы күз айында жаңа толқынның болу мүмкіндігі жайлы дабылын ескерсек, санитарлық нормаларды мейлінше қатаң түрде сақтап, карантин талаптарын ұстану қажет.

 «AQ-QARA.KZ»-ақпарат.