«Облыстық фтизиопульмонология орталығында» COVID-19 инфекциясын ерте анықтау мақсатында вирусологиялық зертхана ашылды. Зертхана соңғы үлгідегі аппараттармен жабдықталған.
Шымкент қаласының барлық аумағында залалсыздандыру жұмыстары қарқынды жүргізілуде. Қаламызда бұл бағыттағы іс-шаралар карантин аяқталғанша жүйелі жалғасады.
Шымкентте бүгін коронавирус инфекциясынан 150-ші науқас емделіп шықты. Дертінен сауыққан қыз бала – 2007 жылғы қала тұрғыны. Ол екі аптадан аса дәрігерлердің бақылауында болып, бүгін ауруханадан үйіне шығарылды.
Төтенше жағдай мерзімі тоқтағаны шымкенттік кәсіпкерлерге оңтайлы болып тұр. Апта басынан бері көптеген бизнес нысандар қызу жұмысқа кірісіп кетті. Десек те карантин тәртібі әлі тоқтаған жоқ. Қала санитарлары қайта қосылған жұмыс орындарына мониторинг жүргізуде.
Түркістандық науқастар мейірбикелерді төл мерекелерімен құттықтады,-деп хабарлайды Түркістан облысы әкімінің баспасөз қызметі.
Шымкентте төтенше жағдай тоқтатылды. Бірақ карантин кезеңі жалғасады. Себебі қауіпті вирус толығымен жойылған жоқ. 12 мамырдан бастап қаладағы барлық базарлар жұмыс істейді. Көптеген кәсіпкерлік нысандар іске қосылады. Осы айдың 25-не дейін жалғасатын шектеу мен жеңілдіктерді қала әкімінің бірінші орынбасары Ербол Садыр баспасөз брифингінде баяндады.
Бүгін мемлекет басшысы Қасым-Жомарт Тоқаев елімізде төтенше жағдайдың аяқталуына байланысты мәлімдеме жасады. Осы кезеңге дейін Шымкент қаласында карантиндік шектеулердің енгізілуіне байланысты нақты шаралар қолға алынды.
Мақтаарал ауданында төтенше жағдайдың орын алуына байланысты көршілес аудандардан қосымша көмекке медицина қызметкерлері тартылды.