Жиынға кеңес мүшелері, Шымкент қаласының прокуратурасы, сыбайлас жемқорлыққа қарсы іс-қимыл департаментінің басшылары, қала әкімдігі басқармаларының өкілдері қатысты.

Күн тәртібінде жергілікті атқарушы органдардың нормативтік-құқықтық актілерді әзірлеуі және мемлекеттік сатып алу туралы заңнаманы орындаудың кейбір мәселелері, келісу комиссиялары тақырыптары көтерілді.

Палата директорының орынбасары Майя Исаеваның айтуынша, ҚР бірқатар заңдарында көзделген және бизнесті қорғауға бағытталған өңірлік кәсіпкерлер палаталары жұмысының негізгі бағыттарының бірі жеке кәсіпкерлік субъектілерінің мүддесі қамтылатын жергілікті өкілді және атқарушы органдардың нормативтік құқықтық актілерінің (НҚА) жобаларына сараптамалық қорытынды беру болып табылады.

Күн тәртібіндегі екінші мәселе бойынша Майя Исаева 2021 жылы «Мемлекеттік сатып алу туралы» ҚР Заңына алқалы орган – келісу комиссиясы ұғымының пайда болуына қатысты бірқатар өзгеріс енгізілгенін атап өтті.

"Келісім комиссияларының тиімді жұмысы бизнес үшін мемлекеттік сатып алу саласында жұмысты жалғастыруға мүмкіндік береді. Келісу комиссиясы мен осы диалог алаңының жұмысы бизнес субъектілері үшін тиімді әрі маңызды, – деп атап өтті Майя Исаева.