2025 жылдың 1 қаңтарында күшіне енетін жаңа сатып алу Заңы туралы Шымкент қалалық мемлекеттік сатып алу басқармасы басшысының орындасары Бақыт Құдайбергенов түсіндіріп өтті.

«Заң Мемлекет басшысының 2022 жылғы 1 қыркүйектегі «Әділетті мемлекет. Біртұтас ұлт. Берекелі қоғам» атты Қазақстан халқына Жолдауын жүзеге асыру мақсатында қабылданды. Заң сатып алу процесінің рәсімдерін оңтайландыруды, сатып алынатын тауарлардың, жұмыстар мен көрсетілетін қызметтердің сапасын жақсартуды, мемлекеттік сатып алуға қатысушылардың жауапкершілігін күшейтуді және бәсекелестікті дамытуды көздейді. Оның ішінде шағымдарды қарау тетігі жаңартылды, рәсімдерді оңайлату және сыбайлас жемқорлық тәуекелдерін болдырмау үшін мемлекеттік сатып алуды өтпеді деп тану негіздері қайта қаралды», – деді Бақыт Құдайбергенов.