Қазір ауданда 635 гектар жылыжай бар. Биыл5 айда53 460 тонна көкөніс өткізіп үлгерген. Тек жыл сайын шаруалар тап болатын бір қиындық бар. Көкөніс пісер уақытта көрші Өзбекстанмен шекара ашылып, нарықты өзбек ағайынның өнімі жаулап алады. Бұл көкөністің бағасын түсіріп, диқандар шығынын ақтай алмай қалады. Биыл мәселе шешімін таппақ.

Бұл жөнінде Сарыағаш аудандық ауыл шаруашылығы бөлімінің басшысы Нұрболат Талипов былай дейді: «Ресейлік «Экокультура» компаниясымен «дөңгелек үстел» өткіздік. Шаруалардың өнімі енді Ресейге тікелей экспортталатын болады. Бұл сонша еңбектің зая кетпеуін қамтамасыз етеді. Сарыағаш ауданында осыған байланысты кооперация ашылады. Оған мүше болу – шаруалардың өз еркінде».

«AQ-QARA.kz»-ақпарат.