Қазіргі таңда, кірістер органдары тарапынан көрсетілетін 44 қызметтің 37 түрі яғни 84% электронды түрде жүргізіледі. Салық төлеушілер кірістер басқармасына келмей, интернет қосылған компьютерде өзіне қажетті қызметті алуына болады. Бұдан бөлек, контакт-орталықтары іске қосылған. Сіз салық салу мәселесіне қатысты кез-келген сұрағыңызға тиісті жауап аласыз. «Егер, сұрақтарыңыз ара қашықтықта шешілмейтін немесе Сізге қажетті қызмет түрін электронды түрде алуға мүмкіндіктер болмаған жағдайда, онда Әл-Фараби ауданы бойынша Мемлекеттік кірістер басқармасының кеңсесіне 53-01-72 номері арқылы хабараласып, келетін уақытыңыз туралы жазылу қажеттігін және қызмет көрсету уақыты сағат 09-00 дан 16-00 дейін (түскі үзіліспен 13-00-ден 13-30 дейін)  жүргізілетінін ескертемін» - дейді Шымкент қаласы Әл-Фараби ауданы бойынша Мемлекеттік кірістер басқармасы басшысының орынбасары Қанат Алпысов.

Бүгінгі қалыптасқан жағдайға байланысты салық төлеушілерге қатысты жеңілдік қарастырылып отыр. Мәселен, ірі сауда объектілері, сауда-ойын-сауық орталықтары, кинозалдар, театрлар, көрмелер мен дене шынықтыру-сауықтыру және спорт ғимараттары мүлік салығын төлеуден 2020 жылдың 31-желтоқсанына дейін босатылды. «Ауыл шаруашылығы өнімін өндірушілер - ауыл шаруашылығы мақсатындағы жерлері бойынша жер салығын төлеуден 2020 жылдың 31-желтоқсанына дейін босатылады. Жалпы белгіленген тәртіппен жұмыс істейтін дара кәсіпкерлер – жеке табыс салығын төлеуден 2020 жылдың 31-желтоқсанына дейін босатылады» - деді Қанат Алпысов. Осы аталған азаматтар барлық салықтар бойынша мерзімінде орындалмаған салық міндеттемелері бойынша өсімпұлдарды есептеу 2020 жылдың 15-тамызына дейін тоқтатылады және салық есептілігін тапсыру мерзімі ағымдағы жылдың 3-тоқсанына ауыстырылады.

«AQ-QARA.KZ» - ақпарат»