Ақпарат және коммуникациялар министрлігінің деректеріне сәйкес, «Smart city» жобасын іске асыру аясында өңірлерде цифрландыру кеңселері құрылған. Жергілікті атқарушы органдар іске асыратын жобаларды үйлестіру процесін ҚР АКМ және «Зерде» АҚ негізінде құрылған цифрландырудың орталық штабы басқарады.

Жиында сөз алған Шымкент қаласының әкімі Ғабидолла Әбдірахымов қазіргі таңда шаһардағы «Ақылды қала» жобасы бірнеше бағытта дамып келе жатқанын мәлімдеді. Бұл ретте ол жолаушылар тасымалы саласына тоқталды.

Ірі қалалардағы өзекті саланың бірі - қоғамдық көлік саласында да цифрландыру бағытындағы жұмыс атқарылуда. Мысалы, 2018-2019 жылдары Шымкенттегі автобустарда электронды билет беру жүйесі енгізілмек. Алдымен биыл қаладағы 30 автобусты қамтитын бағыттардың бірінде электронды билет бету жүйесін пилоттық режимде ендіру жоспарлануда.

«AQ-QARA.KZ»-ақпарат.