«Таза Қазақстан» республикалық бағдарламасы аясында, Созақ ауданы бойынша барлық ауылдар мен елді мекендерде жалпыхалықтық сенбілік жұмыстары ұйымдастырылды. Шараға аудан тұрғындары мен мекеме қызметкерлері белсенді қатысып, қоршаған ортаны таза ұстауға үлестерін қосты.

Сауран ауданы Жүйнек ауылдық округінің жас спортшысы Анвар Ойбекұлы ел намысын абыроймен қорғап, үлкен жетістікке қол жеткізді. «Jalil Abdullaev ziatkerlik mektebi»-нің 10-сынып оқушысы Анвар Ресей Федерациясының Санкт-Петербург қаласында өткен 15-16 жасар жасөспірімдер арасындағы халықаралық бокс турнирінде 60 келі салмақ дәрежесінде жеңімпаз атанды.

Отырар ауданында «Таза Қазақстан» экологиялық іс-шарасы аясында жапыхалықтық сенбілік ұйымдастырылып, көшет егу жұмыстары жүргізілді. Игі шараға аудан тұрғындары, мекеме қызметкерлері, ерікті жастар мен қоғамдық ұйым өкілдері, жалпы 2000-ға жуық адам қатысып, белсенділік танытты.

Мемлекет басшысы Қасым-Жомарт Тоқаев «Түркістан қаласының ерекше мәртебесі туралы» Қазақстан Республикасының Заңына қол қойды. Осыған орай Түркістан облысы әкімінің бірінші орынбасары Зұлпыхар Жолдасов Заңдағы бастамаларды өңірде жүзеге асыру мақсатында тиісті сала өкілдерімен кездесу өткізді. Онда Түркістанды дамыту бағытындағы жұмыстарды жаңғырту талқыланды.