Азық-түліктің бағасы не себепті бірден қымбаттап кетті? Тауардың жетіспеушілігі ме, әлде елді дүрліктірген індет кезіндегі саудагерлердің бәрінен бұрын қалта қамын ойлағаны ма? Бүгін Шымкент қаласының әкімі Мұрат Әйтенов бірқатар басқарма басшыларымен және «NurOtan» партиясының мүшелерімен бірге «Жібек жолы» көтерме базарына барып, азық-түліктің бағасын тексерді.
Коронавирусқа байланысты елімізде жарияланған төтенше жағдай кезінде тұрғындарға электр жарығы, су, газ, жылу беру тоқтатылмайды. Төтенше жағдай мерзімі аралығында коммуналдық төлемдер бойынша қарызы бар азаматтар газ, жылу жүйесінен ажыратылмайды, электр жарығы сөндірілмейді. Ауызсумен қамту да толық жүргізіледі. Табиғи монополияларды реттеу комитетінің Шымкент қаласы бойынша департаменті пайда болған берешектері үшін тұтынушыларға коммуналдық қызметтерді тоқтатпау жөнінде табиғи монополия субъектілеріне ұсыныс хатпен шыққанын хабарлады.
Шымкентте тұтынған табиғи газ үшін түбіртекте көрсетілген сомамен келіспейтін тұрғындар баршылық. Төтенше жағдайда үйлерінде отыра алмаған тұтынушылар «Төлемдерді айма-ай өтемесек, өсімпұл мен айыппұл қосылады» деген ой мазалап, олар газ шаруашылығы мекемесіне ат басын тіреген-ді.
Түркістан облысында әлеуметтік маңызы бар азық-түлік тауарларының тиісті қорын қалыптастырып, бағасын реттеу мақсатында бірнеше бағытта жұмыстар атқарылады. Ірі супермаркеттер мен өндірушілерге жылдық 0,01% пайыздық мөлшерлемемен бір жылға несие беріледі.
Облыс әкімі Өмірзақ Шөкеевтің тапсырмасына орай ауданда түйе сүтін көптеп өндіріп, тиімді бағада саудалау үшін түйешілермен арнайы семинарлар өткізіліп тұрады. Ауданда биылғы жылдың өзінде өңірдегі сүтті бағыттағы түйе санын 1600 басқа арттыру көзделіп отыр.
Соңғы жылдары Түркістан облысы, Қазығұрт ауданында шағын және орта кәсіпкерлік нысандарының саны артып келеді. Бұл ретте кәсіп ашсам деушілерге 6 пайыздық несие мен қайтарымсыз берілетін қаржының көмегі орасан болып отыр. Айталық, былтырғы жылы ауданда 264 азамат «Ауыл шаруашылығын қолдау қоры» және «Оңтүстік» әлеуметтік кәсіпкерлік корпорациясы арқылы жалпы сомасы 876 млн. 325 мың теңге несие алып, кәсіп ашқан. Оның ішінде 19-ы мүмкіндігі шектеулі азаматтар, 69-ы жастар, қалғандары көпбалалы отбасылар саналады.
Облыс әкімі Өмірзақ Шөкеев Түркістан өңіріне жұмыс сапарымен арнайы келген Еуропалық Одаққа мүше мемлекеттер Елшілерімен кездесті. Түркістан облысының таңғажайып табиғаты мен терең тарихына қаныққан қонақтар облыстың экономикалық және туристік әлеуетімен таныс болғанын атап өтті.