Shymkent жоғары педагогикалық колледжінде шетелдік мамандармен қатар, өзге елде оқып жүрген үздік қазақ жастарымен кездесу дәстүрлі түрде өтіп тұрады. Кезекті шараның мақсаты – колледж студенттеріне шетелдік оқу жүйесін таныстыру, онда білім алуға мүмкіндіктер қарастыру. 

«Осындай игі істің бастамасымен колледжге  келіп отқаныма қуаныштымын. Менің мақсатым –жаһанданған заманда студенттерді жаңа  мүмкіндіктермен таныстыру, өз тәжірибеммен бөлісу. Малайзиядағы біздің оқу орнының білімі жоғары, бағасы тиімді екендігін айтқым келеді» - дейді APU университетінің аймақтық өкілі Айгерім Жұбанышева. Үштілдікті үндеген колледж Англия, Сингапур, Малайзия және көршілес Ресей, Өзбекстан елдерімен тығыз байланыста. Жыл сайын студенттер академиялық ұтқырлық тәсілімен тәжірибе алмасып келеді.  

Shymkent жоғары  педагогикалық колледжінің директоры Гүлнар Ибрагимова: «Мұндай тәжірибе бізде бірінші рет емес. Бұған дейін де Англиялық бірнеше колледждермен байланыста болып, осылай келіп өз тәжірибелерімен бөліскен. Бұл шараларды Елбасының үштілдік саясатын қолдау мақсатында ұйымдастырып тұрамыз» - деді.

«AQ-QARA-KZ» - ақпарат»