Айта кетерлігі, Қазығұрт ауыл округі, Қазығұрт елді мекеніндегі құрылысы жүріп жатқан мектептің жер көлемі-2 гектар. Екі қабатты білім ғимараты 200 балаға шақталған. Жаңа мектептің құрылыс жұмыстарын "Андас-Групп" ЖШС-і жүргізіп жатыр.

Жоспар бойынша, ағымдағы жылы құрылысы басталайын деп отырған тағы бір жаңа мектеп - Қазығұрт ауданы Жаңабазар ауыл округі, Қазақ ССР 20 жылдығы елді мекеніндегі "К.Әзірбаев" жалпы орта мектебі. Бұл білім ошағы да 200 орынға арналған. Жаңа білім ұясы 2021 жылы оқушыларға есігін айқара ашпақ.

Бұдан бөлек, Қазығұрт ауыл округі, Ащыбұлақ елді мекеніндегі «Ашыбұлақ» жалпы орта мектебіне қосымша ғимарат құрылыстары жүргізілуде.