Жасөспірімдердің психологиясымен дұрыс жұмыс жүргізу. Осы бағытта Шымкентте мектеп психологтары арасында семинар тренинг басталды. Білім ұясындағы мамандарға медицина ғылымының докторы тәрбиесі қиын оқушылармен жұмыс жүргізудің тиімді, замануи жолдарын үйретуде.
«Қобыланды батыр» жырын жатқа айтқан оқушыға 1 млн. теңге беріледі. Жеңімпаз шәкірттің ұстазы одан екі есе көп қаржы алады. Бұл – «Qazaqepos» қоғамдық қоры жариялаған «Тұлпар мініп, ту алған!» байқауының жүлде қоры. Сайысқа Шымкент қаласындағы 116 мектептің мыңға жуық шәкірті бақ сынамақшы.
Шымкент қаласының барлық мектептерінде «Эко-сағат» акциясы басталды. Республика көлемінде жаппай бастау алған акция аясында қаладағы №89 мектеп-лицейінде ұйымдастырылған іс-шараға қала әкімі Ерлан Айтаханов арнайы ат басын бұрды.
«Адами капиталды дамытудың көзі ретінде білім беру мазмұнын жаңғырту». Қазығұрт ауданында өткен тамыз конференциясы осылай аталды. Басқосуда білім беру мекемелерін оңтайландыру, оқу-тәрбие үдерісін жаңғырту, білім беру қызметтерінің тиімділігі мен қолжетімділігін арттыру мәселелері талқыланды.
ҚР Мәдениет және спорт министрлігіне қарасты «Әзірет Сұлтан» мемлекеттік тарихи-мәдениет қорық-музейінде аудиогид жобасы іске қосылды. Қожа Ахмет Ясауи кесенесіне келушілер мен туристер аталған құрылғыдан қазақ, орыс, ағылшын тілдерінде мәлімет алып, саяхат жасай алады.
Бүгін Қ.А.Ясауи атындағы ХҚТУ-нің Мәдениет сарайында «Адами капиталды дамытудың көзі ретінде қазақстандық білім беру мазмұнын жаңарту» тақырыбында Түркістан облысында педагог қызметкерлердің облыстық тамыз кеңесі өтті.
Түлкібас жері – иісі қазақтың мақтанышына айналған, Алаштың жоғын жоқтап, мұңын арқалаған, қазақ халқының ұлы перзенті, қоғам және мемлекет қайраткері Тұрар Рысқұловтың ата қонысы, қазақтың біртуар ұлдары Бауыржан Момышұлы, Шерхан Мұртаза тағы басқа да тарихи тұлғалардың туған жері. Аудан әкімдігінің ұйытқы болуымен бүгінгі өткен конференцияның мақсаты, халқымыздан шыққан асыл азаматтардың кейінгі ұрпаққа қалдырған еңбектерін насихаттау, тұлғаларды кеңінен ашу.
«Nur Otan» партиясы Түркістан облыстық филиалы аз қамтылған отбасыдан шыққан 55 балаға мектепке қажетті формалар алып берді. Шара республикалық «Мектепке жол» акциясы аясында ұйымдастырылуда. «Мектепке жол» акциясы аз қамтылған және көпбалалы отбасылардың оқушыларына көмек көрсетуге және әлеуметтік себептер бойынша балалардың мектепке бармауының алдын алуға бағытталған.