Халық әндерін орындау барысында тақырыпқа сай көріністер қойылып, бейнеклиптер көрсетілді. Сонымен қатар, әр жұп арнайы «Жұлдыздар» шайханасында қонақ болып, қойылған қызықты сұрақтарға жауап беріп көрермендердің қошеметіне бөленді. Тартысқа толы болған байқауда сегіз жұп өнер көрсетті. Бас жүлдені колледждің есепші мамандығының 2-курс студенті Олжас Жанысбай пен кентаулық әнші-актриса Ақмарал Жолдасова жеңіп алды. Е-31 тобынан Әділжан Дәулетов пен Айжан Әбілханова, О-10 тобынан Қажыгелді Тастанов пен Балымша Сабыр 1 орынды иемденді. Жүлделі 2 орынмен Т-19 тобының намысын қорғаған Мырзабекова Гүлмайданмен Құлтасов Рақымжан, Е-33 тобынан Уматулла Ернұр мен Серікбаев Асанәлі марапатталды. Ал, жүлделі 3 орынға О-12 тобынан Қуаныш Диана мен Әріпхан Қуаныш, Т-18 тобынан Жораханова Ақжарқын мен Саурова Айгерім және О-11 тобынан Жарылқасын Ерасыл мен Дүйсенбиева Гүлнұр ие болды.

Сонымен қатар, Кентау қалалық мәдениет және тілдерді дамыту бөлімінің бас маманы Малика Мақсұтқызы сөз алып, Арнаулы кәсіптік колледж басшылығына Байболова Ақнұр Нұралықызының атынан арнайы алғыс хаттар табыстады. Арнаулы Кәсіптік Колледжнің директоры Аяпбергенова Роза Мұратқызы барлық ұйымдастырушыларға, қатысушы кәсіби әншілерге алғысын білдіріп арнайы алғыс хаттармен марапаттады. Байқау соңында барлық жұп бірлесе «Екі Жұлдыз» әнін шырқады.Бұл байқау бұдан кейін де дәстүрлі түрде жалғасын таба бермек.

«AQ-QARA-KZ» - ақпарат»