Байқаудың мақсаты – Қазақстан Республикасының Тұңғыш Президенті, Елбасы Нұрсұлтан Назарбаевтың «Болашаққа бағдар: рухани жаңғыру» мақаласына орай рухани құндылықтарды насихаттау, жастарды отансүйгіштікке тәрбиелеу, әдебиеттің дамуына ықпал етіп, жас қаламгерлердің жаңа заман әдебиетіне ынтасын арттыру болып табылады. Байқауға жалпы саны 32 үміткер қатысқанын айта кетейік.

БайқаудаЕлбасына арналған проза, поэзия шығармалары оқылды. Байқауды Сарыағаш аудандық сотының төрағасы Машрапов Тасполат, ардагер ұстаз Керімбеков Өмірәлі, Сарыағаш аудандық орталық кітапханасының директоры Кульгинова Қалбибі, аудандық мәдениет үйінің әдіскері Жұмақова Тәжігүл бағалады. 1-орынды М. Әуезов мектеп-гимназиясының оқушысы Құралбай Бақдәулет, екінші орынды №61 мектептің оқушысы Нұржігіт Бердібек, үшінші орындарды №12кәсіптік колледжі студенті Ендібай Индира және Ысмайлов мектебінің оқушысы Ебекова Жансая иеленді. Барлық жүлдегерлерге сыйлықтар мен дипломдар табыс етілді.

«AQ-QARA-KZ» - ақпарат»