Әрбір азаматтың қоғамда қалыпты өмір сүруін қамтамасыз ету, интелектуалдық, шығармашылық қабілеттеріне қолдау көрсетіп, өнерлерін насихаттап, танытып, өмірге құлшынысын арттыру мақсатында Түркістан облысы және Шымкент қаласының зағип оқырмандары арасында "Шарықта, шалқар шабытым!" атты өңірлік фестиваль өтті. Фестивальге Созақ ауданына аттанған өнерлі топ мүшелері жақсы дайындықпен барғандарын паш етіп, жүлделі орындардан көрінді.
В филармонии имени Ш.Калдаякова состоялся фестиваль «Шарықта, шалқар шабытым!». В фестивале приняли участие слабовидящие и незрячие люди. В мероприятии, проведенном в рамках реализации статей Елбасы «Взгляд в будущее: модернизация общественного сознания» и «Семь граней Великой степи» принял участие аким города Ерлан Айтаханов.
Бүгін аудандық мәдениет үйінде мұсылман баласы үшін шаттық пен қуанышқа толы Мәуліт мерекесі аталып өтті. Рухани кешке Түркістан облысының бас имамы Мұсабек Ақтамберді, Шымкент қаласының бас имамы Бақтыбай Қыдырбайұлы Бейсенбаев және ауыл мешіттерінің имамдары мен тұрғындары қатысты.
Қазақы қаймағы бұзылмаған Мақтаарал ауданындағы «Ақ Алтын» мәдениет үйінде аудандық «Күз аруы-2019» байқауы өтті. Байқаудың жеңімпаздарын аудан әкімі Бақыт Асанов марапаттады.
Бүгінде еліміз көпұлтты мемлекет ретінде оны мекендейтін 130-дай ұлт пен ұлыстың өз отанына айналып отыр. Солардың бірі – түрік халқы. Көк туымыздың астында ынтымақ-бірлікте, сыйластықта өмір сүріп жатқанына 75 жыл толғалы отыр.
Шаруалар мерекені толағай табыстармен қарсы алып отыр. Шыбық шаншысаң, шынар болып шығатын Мырзашөл өңірінің жері де жомарт. Оған биылғы жиын-терімнің нәтижесі дәлел бола алады. Салтанатты кеште сахна төріне көтерілген аудан әкімі Бақыт Асанов 10 айдың қорытындысымен ауыл шаруашылығы өнімінің көлемі 29 миллиард теңгеден асқанын атап өтті.
Түлкібас ауданына қарасты Майтөбе ауылының кіреберісінде елді мекен атауы жазылған жаңа стелла бой көтеріп жатыр. Ағымдағы жылдың тамыз айында бастау алған нысанның құрылысы бүгінгі таңда 80 пайызға жетіп қалды.
Елбасы Н.Ә.Назарбаевтың «Болашаққа бағдар: Рухани Жаңғыру» бағдарламалық мақаласының «Туған жер» арнайы жобасы аясында «Атамекен» кіші бағдарламасын іске асыруда еліміздің кәсіпкерлері мен меценаттары тарапынан жақсы қолдау тауып келеді. Басқа аймақтарға көшіп кетсе де, туған жерлерін ұмытпай, оған қамқорлық көрсетіп, қолдарынан келгенше игі жұмыстар атқаруда.