Қалың бұқараның игілігіне берілгеніне қырық жылға жуықтаған Шымкент қаласының зообағы шаһар тұрғындары мен қонақтарының ең сүйікті мекеніне айналғалы қашан. Жаңғыртудан өткізілген аталмыш нысан аумағы жыл сайын жаңа жан-жануарлармен толығып келеді.
Қазақтың ұлы ойшылы, ақын Абай Құнанбайұлының туылғанына 173 жыл толып отыр. Осы датаға орай Шымкентте «Абай ұлы даланың рухани өлшемі» атты әдеби әуенді кеш өтті. Іс-шараның ұйымдастырушылары Абай ауданы әкімі аппараты мен Абай атындағы орталық кітапханасы екенін айта кетейік.
Бейбітшілік көшесінің бір бөлігінде қазір құрылыс қызу жүріп жатыр. Жергілікті билік өкілдері көшенің бұл бөлігі өз атауына толық сай болады деп уəде беруде. Болашақ қазірден басталатындықтан, қала əкімі құрылыстың əр кезеңін бақылауына алды.
Облыстық мәдениет және тілдерді дамыту басқармасы, облыстық мәдениет және халық шығармашылығы орталығының ұйымдастыруымен өткен байқау Елбасы Н.Ә.Назарбаевтың «Болашаққа бағдар: рухани жаңғыру» мақаласындағы «Туған жер» бағдарламасын жүзеге асыру, Астананың 20 жылдығына арналып отыр. Байқаудың мақсаты- композитор Шәмші Қалдаяқовтың шығармаларын дәріптеу, халық арасында ән өнерін дамыту, қазақ әндерін орындаушылар арасынан жас талант иелерін анықтап кәсіби бағдар беру, жеке шығармашыл тұлғалардың қалыптасуына ықпал ету, әншілердің орындау шеберліктерін арттыра отырып оларға қолдау көрсету және отансүйгіштікке баулу, ұлттық рухта тәрбиелеу болып табылады.
Шымкент қаласындағы бейнелеу өнер музейінің залында Елорданың 20 жылдығына орай Астана қаласының Қазақстан өңірлеріндегі күндері аясында «Ақ тілекпен, Астана!» атты көрме ашылды.
Қошқарата өзенінің жағалауын абаттандыру жұмыстарынан кейін қаланың тарихи ғимараты саналатын баяғы «Арал» мейрамханасын қайта жаңғыртуға кезек келді. Ұлы Отан соғысы бітісімен-ақ бой көтерген мейрамхана ғимараты қандай мақсатта пайдаланылмақ және жөндеу жұмыстары қашан аяқталады?
Шымкент қаласында субұрқақтардың қарасы қалыңдайтын түрі бар. Маусым басталғалы іске қосылған 23 субұрқақ бүгінде кестеге сай жұмыс істеп тұр. Мамандар әрбір субұрқақтың қосылуынан бастап ұңғымасының таза болуына шейін қадағаланып отыратынын айтады.
Шымкент қаласында тағы бір арбаттың құрылысы басталды. Қазіргі таңда Бейбітшілік көшесі бойында тиісті аумақ жабылып, жолдың жиегі қазылып, қызу жұмыс жүріп жатыр.