Шымкент қаласында жаңа тағайындаулар науқаны жалғасуда. Таяуда  Шымкент қаласының және Түркістан облысының төтенше жағдайлар жөніндегі департаменттерінің басшылары тағайындалды.

Шымкенттегі Астана даңғылының бойынан жаңа жолайырық салынатын болады. Соның нәтижесінде қаланың орталық көшелеріндегі көлік қозғалысын азайтуға болады деп есептейді мамандар. Болашақта ұзындығы 6 шақырымға жететін бұл көше Шымкенттің әкімшілік-іскерлік орталығы мен Тассай тұрғын алабын байланыстырады.

Шымкентке республикалық маңызы бар қала мәртебесі берілгелі қала өмірінде көптеген өзгерістер орын алып жатыр. Соның бірі ретінде қаладағы кәсіпорындардың жұмысшыларының жалақыларының арта бастауын айтуға болады. Мәселен,  "Shymkent Temir" ЖШС  Шымкент мегаполис атанған соң жұмысшыларының жалақысын көтерген қаладағы алғашқы кəсіпорын атанып отыр. Таяудақала басшысы Ғабидолла Əбдірахымов кəсіпорынды аралап қайтқан болатын. Мекеме жетекшісі Руслан Омаровқа жұмысшыларының еңбекақысын көтеру бастамасы үшін алғыс айтты.

Ғабидолла Әбдірахымов Шымкент қаласының әкімі болып тағайындалған соң қала әкімдігінде кадрлық ауыс-түйістер орын алатыны айтылып жүр еді. Жұртшылықтың болжамы тура келіпті. Осы аптада қала басшысы бірқатар лауазымды қызметке жаңа басшыларды тағайындады.