Еліміздегі төтенше жағдайларға байланысты құрылған мемлекеттік комиссия шешімімен мегаполисте шектеу шаралары күшейтілді. Онда көрсетілген басым бағыттардың бірі – мейрамханалар мен дәмханалардың, халық көп жиналатын орындардың жұмысына талапты арттыру, санитарлық-дезинфекциялық жұмыстарды жүйелі жүргізу болып отыр. Сондай-ақ жұмыс уақыттарына да бірқатар өзгерістер енгізуді тапсырды. Қаланың бас санитары осыған орай №6 қаулысын бекітті.

Әр ауданның учаскелік полицейлері түсіндірме жұмыстарын жүргізіп, ескерту шараларын күшейтті. Басты міндеттің орындалу барысын бағамдау мақсатында БАҚ-пен бірге рейдтік бақылау жұмыстары 2 күн қатарынан жүргізілді.

Статистиканы сөйлетсек, соңғы  бес күннің өзінде 287 кәсіпорын талапты орындамағаны белгілі болды. Айыппұл арқалағандардың дені - Абай ауданында. Оларға 144 хаттама толтырылған. Еңбекші ауданында – 58, Қаратау ауданында – 50 жәнеӘл-Фараби ауданында 35 кәсіпкерлік нысаны жауапқа тартылды. Аталған тәртіпке бағынбай, санитарлық талапты орындамағандар осылайша айыппұл арқалайды. Күн санап, жұмысын жүйелеген кәсіпкерлерге бұл талаптан өзге кедергі болмайды.

«AQ-QARA.KZ»-ақпарат.