Шаһарда 2200-ден астам көше бар. Оның санитарлық-дезинфекциялау шараларына әскери полиция бөлімінің жасағы да жұмылдырылған. Арнайы жасақтың сарбаздары қоғамдық орындар мен халқы көп шоғырланған аймақтарда залалсыздандыру жұмыстарын жүргізіп жүр. Бұл – пандемия кезеңінде коронавирусіндетінің таралуына жол бермеу үшін маңызды қадам.

«Қала тыныштығын күзетіп, құқық бұзушылықтың алдыналуда да әскери полиция жасағы қырағылық танытуда. Оның әрқайсысы төтенше жағдай режимін қамтамасыз ету жөніндегі нұсқамамен толық таныс. Дүкендер мен супермаркеттер, мейрамхана мен дәмхананың тәртібін бақылауда да жүйелі жұмыстың жанында. 10 бағытты толық қамтыған қызметкерлер учаскелік полицейлердіңжанынан табылып, шектеу шараларына атсалысуда» - дейді Шымкент гарнизонының әскери полиция бөлімі бастығының орынбасары міндетін уақытша атқарушы Ержан Ағыбаев.

«AQ-QARA.KZ»-ақпарат.