Жүзден аса ерікті әскерилер отан алдындағы парыздарын өтеуге қашан да дайын екендерін білдірді. Олардың арасынан 12 ерікті іріктеліп, арнайы тапсырмаларды орындау үшін залалсыздандыру жұмыстарына тартылып отыр. Арнайы жиындар кезінде әскери қызметке міндетті азаматтардың жұмыс орны, атқарған лауазымы сондай-ақ жалақылары сақталады. Егер де жұмыс істемеген болса, онда жалақының ең төменгі мөлшері төленетін болады.
Жиында сөз алған Ордабасы ауданының ҚІЖБ бастығы подполковник Е.Мұратбек пен жұмылдыру бөлімше бастығы-бөлім бастығының орынбасары К.Бимырзаев іріктелген азаматтарға жиынның басты мақсатын түсіндірді. Ондағы мақсат -халқымыздың қауіпсіздігі мен денсаулығын қорғау. Әскерилерге арнайы әскери киімдерімен, дезинфекциялауға арналған құрал-жабдықтар және екі сағат сайын ауыстыратын бет перде қолғаптары берілді. Сондай-ақ, олар ыстық тамақпен қамтамасыз етілетін болады.

 «AQ-QARA.KZ»-ақпарат.