13.06.2022 жылы сағат 12:47-де Кентау қалалық полиция бөліміне көпқабатты тұрғын үйдің 5-қабатындағы пәтерден өрт шыққаны туралы хабарлама келіп түскен. Ақпарат алысымен оқыс оқиға болған жерге бірінші кезекте патрульдік полиция тобының инспекторлары полиция аға лейтенанттары Мұрат Жүйрікбаев пен Асылбек Рақмет жеткен. Аталған тәртіп сақшылары келген бойда өрт болып жатқан пәтерге көтеріліп, оның темір есігін бұзуға әрекет етеді. Оларға басқа да тұрғындар көмектесіп, барлығы бірлесіп есікті құлатқан. Полицейлер пәтердің есігі ашылған бойда түтін болып жатқан үйге газдан қорғайтын аспапсыз кіріп кеткен. Мұндағы басты мақсаттары үйдегі тұрғындарды мүмкіндігінше аман алып қалу. Өздерінің денсаулықтарына кері әсері тиетініне қарамастан полицейлер қою көк түтіннің ішіне еніп, іштегі 10 жасар қызды алып шығады. Оны бірден сыртқа шығарып, жедел жәрдем көлігіне салып жібереді. Кіреберіске түтін жайлап жатқанын көрген полицей М.Жүйрікбаев, қолындағы қаруын пайдаланып, ыс шығып кету үшін терезесін сындырады. Осы сәтте қолынан жарақат алған. Десекте оған қарамай, жұмысын абыроймен атқарып шыққан. Сонымен қатар құтқару жұмыстарына Кентау ҚПБ-нің жеке құрамы толық жұмылдырылған. Өрт болған үйде ешкім жоқтығына көз жеткізген полицейлер көршілерінің де үйде қалып кетпеуін қадағалады. Осы мақсатта  полиция аға лейтенанты Хусан Исаев басқа пәтерлерді қайта қарап шығып, темір есік құлаған сәтте есігін ашып шыға алмай қалған көрші жас әйелді байқап, оны қауіпсіз аймаққа шығарады. Онымен қоса Х.Исаев өрт шыққан пәтердегі аса қауіпті газ баллонды алып шығып, қауіпсіздік орнауына қызмет етті. Бұл оқиғаның барлығы полицейлердің бейнежетонына жазылған. Өз кезегінде пәтер тұрғындарын құтқарып, өртті ауыздықтауға ат салысқан полицейлер: «Ақпаратты алысымен жедел, небары 2 минутта оқиға орнында болдық. Содан бірден 5-қабатқа көтеріліп, пәтердің есігін бұздық. Іштен қызды, басқа да бірнеше көршілерін алып шықтық. Қазіргі таңда қыздың жағдайы жақсы екенін естідік. Осы үшін қуанамыз. Ең бастысы адамдардың амандығы, қоғамдық қауіпсіздіктің сақталуы. Осы бағытта шаршамай қызмет ете береміз. Алайда кішкентай ұл баланы құтқара алмай қалғанынымызға өкінеміз»-деп атап өтті.  Аталмыш үйдің басқа да тұрғындары  қауіпсіз жерге өз күштерімен шыққан. Тілсіз жаудың орын алуына электр жүйесінің тұйықталуы немесе балалардың отпен ойнауы себеп болуы мүмкін дейді тиісті орган. Қазіргі таңда оқиғаның толық мән-жайы анықталуда. Оқыс оқиға Кентау қалалық полиция басқармасына ҚР Қылмыстық кодексінің 292-бабы 2-бөлігімен  «Өрт қауiпсiздiгi талаптарын бұзу» тіркеліп, сотқа дейінгі тергеп-тексеру амалдары жүргізілуде.

Естеріңізге сала кетсек, Кентау қаласында пәтерден өрт шыққан. Үйде 2 кәмелет жасына толмаған жасөспірім болған. Өрт болып жатқанын көрген жасөспірім ұл бала қорыққанынан 5-қабаттан секіріп кеткен. Ал үйдегі 10 жасар қыз ысқа уланып қалған. Екеуі де аурухананың жансақтау бөліміне жеткізілгенімен, 5-қабаттан секірген 8 жасар бала ауруханада қайтыс болған.

«AQ-QARA.KZ»- ақпарат

Кентау қалалық полиция бөліміне жергілікті тұрғын арызданды. Әйел адамның айтуынша, қаладағы бассейндердің біріне қыдыруға барған сәтінде «Samsung A50» маркалы ұялы телефонын белгісіз біреу ұрлап кеткен. Жәбірленушіге келген шығын көлемі 160 000 теңге. Аталған жайтты полиция қызметкерлері ҚР ҚК-нің 188-бабы «Ұрлық» бойынша тіркеуге алды.

Хабарлама келіп түскен бойда тәжірибелі тәртіп сақшылары оқиға орнына бірден шықты. Олар ұрлық қылмысын ашу мақсатында қажетті шараларды жүзеге асырды. Жақын аумақтарды түгел қарап, бейнебақылау камераларын тексеріп шықты. 

Нәтижесінде осы қылмысқа қатысы бар күдікті Түркістан қаласының тұрғыны жас қыз болып шықты. Ол шомылу орнына демалу үшін барған. Содан үстел үстінде тұрған телефонға көзі түсіп, ешкімнің байқамай тұрғанын пайдаланып, телефонды жымқырған. Полицейлер күдікті жас қыздан айғақты зат ретінде ұялы телефонды тәркілеп алды. Қазіргі таңда сотқа дейінгі тергеу амалдары жүргізілуде.   

Түркістан облысының полицейлері азаматтарға өз мүлкін сақтауда қырағы болуға, тиісті қауіпсіздік шараларын қабылдауға кеңес береді. Сондай-ақ мүмкіндігінше тұрғын үйлерге, ғимараттарға, демалыс орындарына арнайы бейнебақылау камералары мен күзет дабылын орнатуға кеңес береді.

«AQ-QARA.KZ»- ақпарат

Төлеби аудандық полиция бөліміне жергілікті тұрғын арызданды. Орта жастағы әйелдің айтуынша, оны танысы мүгедектікке шығарып беремін деп алдап кеткен. Сеніміне әбден кірген алаяқ одан 100 000 теңге ақша алған. Аталған жайтты полиция қызметкерлері ҚР ҚК-нің 190-бабы «Алаяқтық» бойынша тіркеуге алды. 

Тәжірибелі тәртіп сақшылары ақпарат көздері арқылы күдіктінің жеке басын, тұрғылықты мекенжайын анықтады. Күдікті ретінде жұмыссыз жергілікті тұрғын анықталып ұсталып, полиция бөліміне жеткізілді. Полиция қызметкерлері күдікті әйел адамның басқа да қылмыстарға қатысы бар-жоғын анықтауда. Қазіргі таңда оған қатысты тергеу амалдары жүргізілуде. 

Өз кезегінде Түркістан облысының полиция қызметкерлері тұрғындарға алаяқтың құрбаны болмауға шақырады.  Сенімсіз, күмәнді  қызмет ұсынатын адамдарға ақша бермеуге кеңес береді. Егер де, сіз, алаяқтың құрбаны немесе куәсі болсаңыз, полицияға хабарласыңыз

«AQ-QARA.KZ»- ақпарат

Жалпы құқық қорғау саласына әке жолын жалғап, өмірлік жарын осында кездестіріп, полицейлер жанұясына айналған  қызметкерлер санаулы. Солардың бірі полицейлер әулетінен шыққан, қазақ полициясының құрдасы, полиция капитаны Көкаршын Жолбарысханқызы Қанат Түркістан облысы Полиция Департаменті Жергілікті полиция қызметі басқармасының жұмысын қадағалау және ұйымдастыру жөніндегі инспектор лауазымында қызмет атқарады. Ал оның жолдасы  полиция капитаны Дінмұхаммед Масатиков Түркістан қалалық Полиция басқармасы ЖПҚБ КТІЖ УПИ лауазымында жемісті еңбек етіп жүр. Екеуі де Оңтүстіктің тумасы. Қос капитан да   құқық қорғау органындағы алғашқы қызмет жолын  Астана қаласының Полиция департаменті Есіл аудандық полиция бөлімінде бастап, тергеу  саласында  бірге қызмет істеген. Мұндай жауапкершілігі мол жұмыста  маңызды міндеттер атқарып жүрген 30 жасар нәзік жанды капитан полицейлер династиясын құрған өз әулетін мақтан тұтады.

- Қанат ақсақалдың 11 баласы болған. Атамыз құқық қорғау саласында мүлдем қызмет атқармаса да, 6 бірдей баласы құқықтану мамандығын таңдап, Ішкі істер органында абыройлы қызмет атқарды. Алты баланың  ішінде менің әкем де бар болатын. Жолбарысхан Қанатұлы Пошатаев қызметіне адалдығын танытып, полицей деген атаққа кір келтірмей, көп ғұмырын ішкі істер саласына арнап,   полиция подполковнигі шенімен зейнетке шыққан.  Әкеміздің жолын қуып, өсе келе  інім екеуміз полицей боламыз деп шешім қабылдадық. Қанат атамыздың қалған балаларынан тараған біз сияқты құқық қорғау саласында қызмет атқарып жүрген немерелері баршылық. Полицей болу біздің әулетте дәстүрге айналып кеткен сыңайлы. Жолдасым екеуміз   Есіл аудандық полиция бөлімінде бірге  қызмет етіп жүріп, сонда шаңырақ көтердік. 2021 жылы қызмет бабымен жұбымыз жазылмай Түркістан облысына да  бірге ауысып келдік.  

Қазіргі таңда 1 қыз бен 1 ұл тәрбиелеп отырған ерлі-зайыпты полицейлер  бұл дәстүрді жалғап, ұрпақ сабақтастығына айналдырып, келешек бүлдіршіндері  полицей боламын деп айтса, қуана-қуана  қос қолдап қолдайтындарын жеткізді. Себебі Дінмұхаммедтің әкесі де зейнет жасына дейін   ішкі істер саласында құқықтық тәртіпті қамтамасыз етуде тыңғылықты істер тындырған. Ол  ұлына антына адал, сертіне берік нағыз полицейдің жарқын бейнесін сомдап кеткен тұлға.  Өмірде де, қызметте де жұптары жазылмаған, әке жолын қуған қос капитанға табысты еңбек, абыройлы қызмет тілейміз!

«AQ-QARA.KZ»- ақпарат

Ордабасы аудандық полиция бөліміне жергілікті тұрғын арызданды. Ер адамның айтуынша, оның мал бағатын бақташыларының бірі сеніп тапсырылған асылтұқымды қойларының ішінен әрқайсысы 70 000 теңге тұратын 200-ден астам малын талан-таражға салған. Жәбірленушіге келген шығын көлемі 16 000 000 теңгеден асады. Аталған жайтты полиция қызметкерлері ҚР ҚК-нің 189-бабы «Сеніп тапсырылған бөтен мүлікті иемденіп алу немесе талан-таражға салу» бойынша тіркеуге алды.  Анықталғандай күдікті жәбірленушінің бақташысы, Арыс қаласының тұрғыны болып шықты. Сезікті 2021 жылдан бастап бағып жүрген малдарын, яғни бөтеннің мүлкін шетінен сата берген. Ол өзінің несиелері мен қарыздарын өтеу үшін қылмысқа барғанын мойындады. Қазіргі таңда күдікті қамауға алынды, оған қатысты тергеу амалдары жүргізілуде.  Өз кезегінде, Түркістан облысының полицейлері тұрғындарға қырағы болуды және өз малдарын бейтаныс адамдарға бақтырмауды ұсынады. Сондай-ақ, мүмкіндігінше үй малын таңбалап, ен салдыру керек, ал қора-жайларды сенімді қоршаумен нығайтыңыздар. Егер сіз де, малыңызды жоғалтып немесе ұрлатып алсаңыз, тез арада полицияға хабарласыңыз.

«AQ-QARA.KZ»- ақпарат

Түркістан облысы Полиция департаментінде ҚР ІІМ М.Есболатов атындағы Академиясымен бірлесіп ұйымдастырылған "Ішкі істер органдарын басқарудың тиімді жүйесін құру және полиция қызметінің негізгі міндеттерін жандандыру" тақырыбында семинар-тренинг өтті. Іс-шарағаТүркістан облысы ПД-нің барлық қалалық және аудандық полиция басқарма, бөлімдерінің  басшылары қатысты.

Тәртіп сақшыларына арналған оқыту семинарын ҚР ІІМ М.Есболатов академиясының өкілдері өткізді. Дәріс өткізген білікті мамандар қатарында: ҚР ІІМ Академиясы бастығының орынбасары, заң ғылымдарының кандидаты, доцент, полиция полковнигі Ержан Бимолданов, аға ғылыми қызметкер, заң ғылымдарының кандидаты, доцент Лейла Құлтемірова және ІІО басшы құрамын даярлау факультетінің жоғары академиялық курстарының әдіскері, педагогика ғылымдарының кандидаты Талғат Туркеновтер бар.

Аталмыш Алматы академиясы Қазақстан Республикасында полиция кадрларын кәсіби даярлау, олардың сапасын арттыру бойынша ҚР Ішкі істер Министрінің тапсырмасын орындау мақсатында "Мобильді Академия" пилоттық жобасын әзірлеген, сондай-ақ оны таныстыру мақсатында Түркістан облысында алғашқы сабақ өткізді. Бұл жобаның мәні академияның мамандар тобы тікелей полиция департаменттеріне арнайы келіп, онда Ішкі істер органдарының аумақтық бөлімшелерінің, атап айтқанда орта басшы буынының кәсіби даярлығы мен біліктілігін арттыру шеңберінде тренинг-оқытуды жүзеге асырады.

Үш күнге созылған, яғни 13-16 маусым аралығында Түркістан қаласында өткен семинар кезінде полиция жұмысын жетілдіру және тиімділігін арттыруға қатысты мәселелер, сондай-ақ ішкі істер органдарының қызметін жобалық басқару, Стратегиялық менеджмент, түрлі модельдер мен тәсілдерді енгізу сияқты бағыттарды іске асырумен байланысты өзекті де заманауи әдістемелер қаралды. Академия өкілдері оқыту барысында бейнероликтер көрсетіп, түрлі көрнекіліктермен сүйемелдеді.

ҚР ІІМ Академиясы бастығының орынбасары Ержан Бимолданов өз сұхбатында: "Пилоттық жоба" тыңдаушыларға басқарушылық қызмет тұрғысынан қажетті дағдылар береді. Неліктен ІІО аумақтық бөлімшелерінің орта буын басшыларының осы санатына баса назар аударылады? Өйткені дәл осы менеджерлер халықпен тікелей байланыста болады. Бұл қызметкерлерге тұрғындармен алғашқы өзара әрекеттесу өкілеттіктері жүктелген. Болашақта "пилоттық жобаны" барлық аумақтық полиция департаменттерінде іске асыру жоспарлануда."- деп атап өтті.

«AQ-QARA.KZ»- ақпарат

Ағымдағы жылдың маусым айының 13-21 күндері аралығында «Отбасындағы зорлық-зомбылыққа жол жоқ!» атты республикалық акция барлық полицейлердің ұйымдастыруымен әр ауданда жүргізілуде.

  Мәселен, Жетісай аудандық полиция бөлімінің полиция майоры Жанна Шалбекова,  тұрмыстық зорлық-зомбылықтың алдын алу және жолын кесу, қоғамда отбасының рөлін нығайту мақсатында тұрғындар көп шоғырланатын орындарға барды. Онда зорлық-зомбылық бойынша қабылданып жатқан шаралар туралы жұртшылыққа хабарлап, азаматтардың полиция органдарына деген сенімін арттыру мақсатында тұрғындарға түсіндіру жұмыстарын жүргізді. Әр тұрғынмен жеке сөйлесіп, олардың көкейіндегі сұрақтарға жауап берді. Сонымен қатар әйелдердің құқығы заңмен қорғалатынын қандай жағдайға тап болғанда полиция қызметкерлеріне хабарласу керектігі жайлы айтты.

Полиция қызметкерлері адамдар көп шоғырланатын орындарға зорлық-зомбылық бойынша қабылданып жатқан шаралар жайлы 10-ға жуық плакаттар іліп, 100-ге тарта жаднамалар мен буклеттер таратты. Іс-шараға қатысқандар өздерінің тұрмысқа қатысты туындаған сауалдарын қойып, ұсыныс-пікірлерімен бөлісті.

«AQ-QARA.KZ»- ақпарат

2022 жылдың 3 айында Шымкентке 97 501 адам келген. Осылайша үшінші мегаполис келетін туристер жағынан Алматы мен Нұр-Сұлтан қаласынан кейінгі үшінші орында.

Тізім бойынша кезекте Алматы, Шығыс Қазақстан, Ақмола, Маңғыстау, Қарағанды және Түркістан облыстары бар. Оның 90 мыңнан аса азаматы Қазақстан тұрғындары болса, 7000-нан аса турист шетелден келген.

 Еліміздің үшінші мегаполисіне келушілердің басым бөлігі Өзбекстан, Түркия, Қырғызстан және Ресей елдерінен сапар жасаған. Ал, өткен жылдың сәйкес кезеңімен салыстырғанда, Шымкентке келуші саны 71 156 адамды құрап, еліміз бойынша 5 орынды иемденген болатын.

Сала мамандарының сөзінше, Шымкенттің туристік әлеуеті зор.

Атап айтқанда, шым шаһар Ташкент, Бішкек және Қазақстанның солтүстік өңірін қосатын торап болып табылатын инфрақұрылымы дамыған ірі қала саналады. Бүгінде үшінші мегаполисте ішкі және халықаралық туристік нарықта белсенді сегменттің қалыптасуы үшін барлық мүмкіндіктер жасалған.

ҚР Президенті Қасым-Жомарт Тоқаевтың Жолдауында айтылған туризмді, әсіресе экотуризм мен этнотуризмді дамытуға экономиканың маңызды саласы ретінде баса мән беру қажет тапсырмасы шым шаһарда жүйелі түрде орындалып келеді. Бүгінде көне қала туристердің ағынын қабылдай отырып, түрлі қызметтерін ұсынып келеді. Мәселен, қалаға келушілер үшін орналастыру орындарының саны ұлғайған. Бүгінде Шымкентте 140 орналастыру орны бар. Былтырғы жылмен салыстырғанда өсім 117 пайызға еселенген. Осы қонақ үйлерде 1000-нан аса адам қызмет етеді. Олардың қатарында қонақ үй әкімшісі, хостес, ресепшн қызметкері, оператор, сату менеджері, брондау менеджері, даяшылар, аспаз, бас аспаз, бас менеджер және басқа да қызметкерлер бар. Осы қызметкерлер көрсеткен қызмет арқылы 1 млрд. 627 млн. қаржы тапқан.

 Одан өзге, аталған 140 қонақ үйде 2 737 бөлме бар. Бұл орналастыру орындары біржолғы сыйымдылықта 6000-ға жуық адамды қабылдай алады. Жыл басынан бері 100 мыңға жуық адам қонақ үйлерге келіп тұрақтаған. «E-qonaq» жүйесіне тіркелу мәліметіне сәйкес, олар жеке, туристік, кәсіптік және іскерлік мақсаттарда Шымкент қаласына саяхат жасаған.

"AQ-QARA.KZ"-ақпарат

2022 жылдың 17 маусымында Арыс ауданы, Шөгірлі елдімекенінде орналасқан «Көксарай су реттегіші» объектісінде  Түркістан облысының Мамандандырылған күзет қызметі басқармасы және Арыс аудандық полиция бөлімінің жеке құрам қызметкерлері бірлесе отырып, «Шабуыл» жедел-тактикалық оқу-жаттығуын өткізеді.

«Шабуыл» жедел-тактикалық оқу-жаттығуына полиция кешенді күш жасақтары, кезекші жедел тергеу топтары мен кезекші бөлімдері, жедел жәрдем қызметкерлері, өрт сөндіру бөлімі, Түркістан облысының Мамандандырылған күзет қызметі басқармасының саптық бөлімшелері қатысады.

«AQ-QARA.KZ»- ақпарат

• Интернет-дүкен туралы ақпаратты басқа интернет-көздерден тексеріңіз, пікірлерді оқыңыз. Интернет-дүкендердің жұмысы туралы пікірлері бар бірқатар тақырыптық сайттар мен форумдар бар.
• Тауар үшін алдын-ала төлем жасамаңыз, әсіресе дүкеннің заңдылығына күмәндансаңыз. Тауарды алғаннан кейін төлем туралы келісуге тырысыңыз. Жөнелтуді шарт бойынша төлеммен пошта арқылы ресімдеуді сұраңыз немесе курьермен қолма-қол ақшамен есеп айырысуды сұраңыз. Егер сатушы бас тартса, ол алаяқ болуы мүмкін.
•  Кері байланыс немесе кері байланыс үшін қалыптың жұмысын тексеріңіз. Пікіріңізді немесе пікіріңізді қалдыруға тырысыңыз, міндетті емес теріс. Ол басқа пайдаланушыларға жариялануы және көрінуі керек, сонымен қатар оны әкімшілік алып тастамауы керек.
•  Интернет-дүкен заңды тұлға мәртебесіне ие болуы тиіс. Сайтта тұлғаның ұйымдық-құқықтық нысаны ("ЖК", "ЖШС" және т.б.), оның деректемелері (ЖСН, БСН, жеке және заңды мекенжайы) туралы ақпарат көрсетілуі тиіс. Мемлекеттік кірістер комитетінің сайтында дүкеннің сенімділігін бағалауға, бір күндік фирмаларды анықтауға мүмкіндік беретін "салық төлеушілерді іздеу" электрондық сервисі орналастырылған.
• Сатушыдан әртүрлі бұрыштардан тауардың суретін алған жөн немесе бейне қоңырау шалған жөн. Егер сатушы кез-келген сендіруден бас тартса, бұл жосықсыз сатушының белгісі.
•  Ешбір жағдайда ешкімге өзіңіздің дербес деректеріңізді, пластикалық картадан, чектерден аударым туралы және одан да көп ақпаратты, кодтар мен Код сөздерін хабарламаңыз. Осылайша, алаяқ шотты басқаруға толық қол жеткізе алады.
• Күмәнді мәмілелер бойынша аударымдар жасамаңыз, бейтаныс адамдар ұсынатын күмәнді, бірақ пайдалы бизнеске қаражат салмаңыз.

Сіздің банктік және карточкалық шоттарыңыздың қорғалуын қамтамасыз ету үшін қарапайым шектеулерді сақтау қажет. Егер сіз сақтық шараларын сақтамасаңыз, кез-келген банктің клиенті алаяқтың құрбаны бола алады.

• Үнемі күрделі болуы керек парольдерді өзгертіңіз.
•  Төлем жүйелерінде бар барлық қауіпсіздік жүйелерін қосыңыз: СМС-растау, IP-мекенжайды бақылау, 3D-secure және т. б.

Есіңізде болсын, банктер мен төлем жүйелері ешқашан хаттарды жібермейді немесе клиенттердің телефондарына шот деректерін беруді сұрамайды.

Пластикалық картадан ақша алу үшін картаның нөмірін және CVS (картаның артқы жағындағы Соңғы үш сан) білу жеткілікті, сондықтан картаны қараусыз қалдыру немесе деректеріңізді беру ұсынылмайды.

• Банктен келетін растаулардың СМС-кодтарын ешкімге бермеуге, себебі оларды алаяқтар интернет-банкингті қосу үшін пайдалануы мүмкін.
•  Картаны мобильді Банктің қызметіне қосу пайдалы.