"Музейдегі түн".  Дәл осындай атаумен қала күніне орай «Шымқала» тарихи-мәдени кешенінде тарихи іс-шара өтті. Оны тамашалауға қала тұрғындары көптеп жиналды.

Іс-шараның мақсаты - қала тұрғындары мен қонақтарына көне Шымкент тарихын насихаттау, жәдігерлер құндылығымен таныстыру, жастарды тарихты зерттеуге, жәдігерлерді құрметтеуге үйрету, патриоттық сезімін ояту. Мерекелік бағдарлама "Шымқала дастаны" театрландырылған хореографиялық қойылыммен басталды. Бұл дастан ұлы батылдық, елге деген махаббат пен намыс туралы.

Каскадерлер шоуында әскери жаттығулардан шеберлік сағатттары және түрлі ойын түрлері көрсетіліп, Шымкент қаласының өнерпаздарының қатысуымен ашық аспан астында этно-фольклорлық концерт ұсынылды. "Қорқыттың көрі" театрландырылған қойылым да қала тұрғындарына керемет әсер сыйлады. Оның шығармашылығында жақсылықпен жамандық, тозақ пен жұмақтың күресі жарқын сипатталды. Нақтырақ айтқанда компазицияда жерасты мен аспан әлемінің күресі көрсетілді. Көне дәуірлердің үніне сай дауылпаздар соғылып, түрлі әуендерден сазды шеру ойнап, дәуірлер тоғысындағы тосын тарихи сәттерге арналған хореграфикалық көрініс көрсетілді. Онда қамал қорғаны, соғыс өнері, шабуыл сынды өткен тарихымызды насихатталды. Мерекелік концерт барысында тарих мамандары қазақ халқының тарих беттірін парақтады. Шара соныңда өнерпаздар патриоттық әндер айтып, түрлі қойылымдар қойды. 

Ашық аспан астындағы "Шымқала" кешені туралы деректі фильмнің тұсауы да осы жерде кесіліп, хореографиялық қойылым, су және от шоулары ұйымдастырылды.

Естеріңізге сала кетейік, «Шымқала» тарихи-мәдени кешені ҚР тарихи-мәдени мұраларын насихаттау және тарих, археология, сәулет, қала құрылысы, өнер, ғылым, техника, эстетикалық мәні бар басқа да объектілерді сақтап, көпшілікке ұсыну мақсатында 2020 ашылды.

"AQ-QARA.KZ"-ақпарат

Шымкент қаласында қала күні мерекесіне орай «Тассай» индустриялық аймағында 250 жаңа жұмыс орны ашылып, 2 инвестициялық жоба жүзеге асырылды. Соның бірі - кеңсеге, мектепке шкафтық жиһаздар мен жиһаздар шағаратын «Mega Smart B2B» ЖШС-ы.

Жаңа фабриканың ашылуына қала әкімінің бірінші орынбасары Шыңғыс Мұқан қатысты. «Қаламызда мемлекеттік қолдау арқасында жаңа өндіріс орындарының саны жыл санап артып келеді. Қазіргі уақытта Шымкентте қолайлы инвестициялық климат қалыптастыру үшін қарқынды жұмыстар жүргізілуде. Осы мақсатта қала экономикасы өсімінің негізгі алаңдары болып табылатын арнайы экономикалық, индустриялық аймақтардың тиімді жұмыс жасауына ерекше көңіл бөлінуде. Қала күніне орай «Тассай» индустриялық аймағында іске асырылған жобалар санын жиырмаға жеткізіп отырмыз. Сол кәсіпорындардың бірі – «Mega Smart B2B» жиһаз фабрикасы болып табылады» деген Ш.Мұқан кәсіпорынды ашылуымен құттықтады.

Көлемі 2 гектар аумақты құрайтын 750 млн.теңгелік инвестициялық жоба нәтижесінде 100 адам жұмыспен қамтылды. Заманауи технологиялармен жабдықталған өндіріс ошағы жылына 120 мың жиһаз бұйымдарын шығаруға қауқарлы.

Одан бөлек мереке қарсағында тағы да бірнеше кәсіпорын іске қосылып, шымкенттіктер үшін бос жұмыс орындары ашылды. Бұл шырайлы Шымкент қаласының туған күні қарсаңындағы алғашқы жағымды жаңалық. Мерекелік іс-шара түрлі бағыттағы жағымды жаңалықтарға толы болмақ. Яғни, алда қала түрғындары мен қонақтарын түріл іс-шаралар күтіп тұр. Айтпақшы, Нұрсәт-2 шағынауданының балалары арасында «Аула чемпиондары»  сайысы сондай іс шаралардың бірі.  Жарысқа 100-ден астам жасөспірім қатысып,  асық,  баскетбол,  турникке тартылу,  пенальти және ләңгі тебу сынды ойын түрлерінен бақ сынады.

 Шымкент қалалық дене шынықтыру және спорт басқармасы мен Қаратау ауданы әкімдігінің бастамасымен өткен жарыс бұқаралық спорт түрлерін дамыту мақсатында ұйымдастырылған. Жиынға каратэден Токио олимпиадасының қола медаль иегері Д. Асадилов,  Қаратау ауданының әкімі Р. Мүлкеманов,  аталмыш басқарма басшысының орынбасары Е. Дәрменов қатысып, кәсіби бапкерлер балалардың сайысына төрелік етті.

Балалар Олимпиада жүлдегерінің құттықтау сөзінен серпін алып, чемпионат орындарында белсенділік танытты.

Сайыс соңында Қаратау ауданының әкімі Р. Мүлкеманов бүлдіршідерді жеңісімен құттықтап,  жеңімпаздарды арнайы диплом, медаль және бағалы сыйлықтармен марапаттады. Сондай-ақ,  «Барлық бала чемпион» қағидасына сай белсенділік танытқан барлық балаға кәсіпкерлердің демеушілігімен сыйлықтар мен балмұздақ үлестірілді.   Чемпионаттан соң балалар көтеріңкі көңіл-күймен тарасты.

"AQ-QARA.KZ"-ақпарат

Қазақстанның мемлекеттік саясатының негізгі басымдықтарының бірі сыбайлас жемқорлықпен күрес болып табылады. Осы мақсатта ҚР Сыбайлас жемқорлыққа қарсы іс-қимыл агенттігінің ТО бойынша департаменті ҚР Мемлекеттік қызмет істері агенттігінің ТО бойынша департаменті және «AMANAT» партиясының Түркістан облыстық филиалымен Меморандум жасалды. Соған сәйкес, сыбайлас жемқорлықты алдын-алу және мемлекеттік қызметшілердің тарапынан әдептілік нормаларының сақталуын, сондай-ақ қызметкерлер арасында мүдделер қақтығысының туындауына жол бермеу мақсатында кездесу өтті.

Аталған жиында Түркістан облысының Әділет департаментінің басшысы Мұхит Тұрғараев төрағалық етті.

Шараға Қазақстан Республикасының Сыбайлас жемқорлыққа қарсы іс-қимыл Агенттігінің Түркістан облысы бойынша департаменті басшысының бірінші орынбасары Нұрдаулет Сәмет және превенция басқармасы басшысының орынбасары Сәбит Асылбек, Қазақстан Республикасының Мемлекеттік қызмет істері агенттігінің Түркістан облысы бойынша департаменті басшысының міндетін атқарушы Өркен Балажанов , «AMANAT» партиясының Түркістан облыстық филиалының партиялық бақылау жөніндегі инспекторы Асқар Еркінбеков қатысты.

Қазіргі заманғы әлемде сыбайлас жемқорлықпен күресуді күшейту жұмысы үздіксіз жүргізілуде және әрдайым жетілдірілу үстінде. Сыбайлас жемқорлыққа қарсы орган жұмысының негізгі бағыты мемлекеттік қызмет көрсету сапасын арттыру болып табылады,өйткені азаматтардың мемлекеттік органдармен жасайтын кез келген қарым-қатынасы ашық,айқын әрі нақты болуы қажет.

Қатысушылар аталған бойынша қолға алынған қадамдарға оң бағасын бере отырып, елімізді өркендету жолында сыбайлас жемқорлық әрекеттерін болдырмау, алдын алу бағытында аянбай, бірлесе қызмет атқаруға шақырды.

«AQ-QARA.KZ»- ақпарат

Келес аудандық полиция бөліміне әйел адам арызданды. Оның айтуынша,  кешкі сағат 18:30 шамасында жасөспірім қызы дәріханаға барып келетінін айтып, қайта оралмаған. Жақындары өздері  күні бойы іздеп таппаған соң, полиция қызметкерлерінен көмек сұраған. 

Тәртіп сақшылары жоғалған қызды бірден іздеуге кірісті. Жас қыздың баруы мүмкін жерлерді қарап, жақын достарынан, таныстарынан сұрастыру жұмыстарын жүргізді.  Полиция қызметкерлерінің тыңғылықты жұмысының нәтижесінде жас қыз 1 күн ішінде  Шардара ауданында қыдырып жүрген жерінен табылды. 18 жасар қызды полицейлер отбасына қайтарды. Қазіргі таңда оқиғаның толық мән-жайы анықталуда. 

Өз кезегінде полиция қызметкерлеріне қыздың анасы алғысын білдірді:  «Полиция қызметкерлері қашанда халыққа демеу бола біледі. Олар үнемі қолдарынан келетін барлық жақсылықты жасауға тырысады. Бүгін жоғалған қызымды тауып берді. Тәртіп сақшыларының жұмыстарына дән ризамын! Табыс, сәттілік тілеймін. Елдің қамқоршысы болып жүре беріңіздер!» - деп аналық ақ тілегін жеткізді.

«AQ-QARA.KZ»- ақпарат

Түркістан облысының полицейлері 13-17 маусым күндер аралығында «Борышкер» жедел-профилактикалық іс-шарасын өткізуде. Шараның мақсаты – мемлекетке айыппұл берешегі бар және салық төлемдерді төлемеген азаматтарды, сондай-ақ көлік жүргізушілерін тексеру, оларға ескерту жұмыстарын жүргізу. 

Аталған  іс-шара кезінде Кентау қалалық полиция қызметкерлері алғашқы тәулікте 2 құқық бұзушылық  ҚР ӘҚБтК-нің 612-бабы «Құжаттары және басқару құқығы жоқ адамның көлік құралын басқаруы» бойынша тіркеп, көлікті айып тұраққа қойды. 25 көлік жүргізушіге айыппұл төлеу керектігі ескертілді. Мәжбүрлеп өндіру үшін 50 қаулы, 2 жеке тұлғаның жұмыс орындарына және жеке сот орындаушыларға жолданды.  Өз кезегінде Түркістан облысының полицейлері тұрғындарға егер де әкімшілік құқықбұзушылық жасап, хаттама толтырған жағдайда  оны 7 тәулік ішінде төлесеңіз 50% жеңілдікпен төлеуге мүмкіндік  барын ескертеді. Және де айыппұл төленбеген жағдайда әкімшілік құқық бұзушылық туралы қаулы шығарып, 100% төлеу міндеттеледі. Қаулы шыққан күннен бастап, 30 күн ішінде айыппұл ерікті түрде төленбеген жағдайда мәжбүрлеп өндіру үшін жұмыс орындары мен сот орындаушыларға жолданатындығын хабарлайды. Сондықтан жүргізушілер, жолда абай болып, қауіпсіздік шараларын сақтап жүріңіздер.

Ордабасы аудандық полиция бөліміне екі бірдей жергілікті тұрғыннан арыз келіп түскен. Онда жәбірленушілер өздерінің танысы жеке басын растайтын мәліметтерді пайдаланып, шағын несие беру ұйымдарының бірінен несие рәсімдеген. Олардың біріншісінен 40 000 теңге, екінші жәбірленушінің атынан 240 000 теңге несие алған. Жәбірленушілерге келген шығын көлемі 300 000 теңгеге жуық. Аталған жайтты полиция қызметкерлері ҚР ҚК-нің 190-бабы «Алаяқтық» бойынша тіркеуге алды.

Тәжірибелі тәртіп сақшыларының жедел іздестіру шараларының нәтижесінде осы қылмысқа қатысы бар Шымкент қаласының тұрғыны екені белгілі болды. Сақшылар жас әйелді аудандық полиция бөліміне жеткізді. Тексеру кезінде күдікті әйелдің бұған дейін де сотты болғаны белгілі болды. Қазіргі таңда күдіктіге қатысты тергеу амалдары жүргізілуде. 

Өз кезегінде Түркістан облысының полицейлері алаяқтың құрбаны болмауға шақырады. Күмәнді қызмет ұсынатын адамдарға жеке басты куәландыратын құжаттарды бермеуге кеңес береді. Егер де, сіз, алаяқтың құрбаны немесе куәсі болсаңыз полицияның 102 нөміріне хабарласыңыз.

«AQ-QARA.KZ»- ақпарат

Кентау қалалық полиция бөліміне әйел адам арызданды. Оның айтуынша, белгісіз біреулер дүкен ішінде тұрған қара сөмкесінен алтын бұйымдары мен ақшасын, сонымен қатар сөреде тұрған 8 дана ішімдікті ұрлап кеткен. Жәбірленушіге келген шығын көлемі 400 000 теңгеге жуық. Аталған жайтты полицейлер ҚР ҚК-нің 188-бабы «Ұрлық» бойынша тіркеуге алды. 

Тәртіп сақшылары ұрлық қылмысын ашу үшін қажетті шараларды жүзеге асырды. Олар жақын аумақтарды түгел қарап шығып, көрген-білгендерден жауап алды. Бейнебақылау камераларын тексерді. Нәтижесінде күдікті ретінде бұрын сотты болған екі ер адам ұсталды. Олар бір-біріне көршілер болып келеді. Анықталғандай екі көрші зат сатып алуға дүкенге кірген. Содан ешкімнің байқамай тұрғанын пайдаланып, оңай олжалы болуды көздеген. Қолдарына ілінген бөтеннің мүлкін жымқырып, оқиға орнынан бой тасалаған. Қос ер азаматтан алтын бұйымдар тәркіленіп алынды. Күдіктілер ұрлаған алтын бұйымдарды жасырып қойып, ұрлаған ішімдіктерді ішкен. Қазіргі таңда екі жігітке қатысты сотқа дейінгі тергеу амалдары жүргізілуде.

Өз кезегінде Түркістан облысының полицейлері ұрлық қылмысының алдын алу үшін дүкендерге, ғимараттарға, тұрғын үйлерге бейнебақылау камералары мен арнайы дабылқаққыштар орнатуға кеңес береді. Сонымен қатар, өздеріңіздің жеке мүліктеріңізге сақ болуды ескертеді.

«AQ-QARA.KZ»- ақпарат

Сыбайлас жемқорлық – қоғамдағы аса қауіпті індет болған соң, елімізде оған қарсы күрес қарқынды жүруде. Жемқорлықтың алдын алу мақсатында түрлі бастамалар көтеріліп, жиындар  ұйымдастырылып келеді. Мәселен, жуырда Төлеби аудандық полиция бөлімінің мәжіліс залында сыбайлас жемқорлықты болдырмау хақында  мәжіліс өтті. Жиынға сыбайлас жемқорлыққа қарсы іс-қимыл агенттігінің Түркістан облысы бойынша басқарма басшысы Ержан Жүнісов, аудан әкімінің орынбасары Сержан Дүйсебаев пен қоғамдық кеңес мүшесі Сейтхан Ақтаев және полиция бөлімінің қызметкерлері қатысты.  Шара барысында жемқорлыққа жол бермеу және тосқауыл жасау туралы өзекті мәселелер талқыланды. Полиция қызметкерлеріне қолданыстағы Заң талаптарына сәйкес, әрбір мемлекеттік орган басшысы өз ұжымында сыбайлас жемқорлықтың алдын алу барысында тұрақты түрде түрлі шараларды қабылдап отыру жайлы сөз қозғады. Кездесуге келгендер біріккен  арнайы  бағдарламаларды  жасақтауды, оларды  жүзеге  асыруда  насихат жұмыстарын жүргізуге  қолдау  білдіретіндіктерін айтты. Жиын соңы өзара пікір алмасуға ұласты.

«AQ-QARA.KZ»- ақпарат

Жалпы қоғамда болып жатқан құқық бұзушылықтар мен қылмыстар жөнінде бірінші хабардар болып отыратын кезекші бөлімнің қызметкерлері. 102 арнасына келіп түскен әрбір  ақпарат бойынша өздерінің міндетін мүлтіксіз атқарып отыратын  тәжірибелі полицейлердің жұмысы қашанда қарбаласқа толы. Жақсылық Таттыбеков  бұл қызметтің қыр-сырын меңгерген білікті маман. Полиция старшинасы Арыс аудандық полиция бөлімінің кезекші бөлімшесінде 3 жылдан бері қызмет атқарып келеді. Өзі Арыс ауданының тумасы. Осыдан 8 жыл бұрын Ішкі істер саласындағы қызметін патрульді полицей лауазымынан бастаған Жақсылық, қиындығы мен қызығы қатар жүретін құқық қорғау саласында беделі артып, дәрежесі биіктей берді. Тіпті осынау еңбектері еленіп, «Жауынгерлік ерлігі үшін» медалінің иегері атанған.

- « Біздің жұмыс бір қарағанда оңай көрінуі мүмкін. Алайда қандай жағдай болмасын азаматтармен ең бірінші байланысқа біз шығамыз. Ол келіп түскен қоңырауларға жауап беріп қана қоймай, әрбір хабарламаға сәйкес, яғни отбасылық ұрыс-керіс болып жатса учаскелік инспекторларына, жол апаты болған жағдайда патрульді полицейлерге хабарлап, тиісті шара ұйымдастырып, нақты оқиға орын алған жерге жөнелтеміз. Бұл кезекші бөлімнің арнасына күндіз-түні тыным болмайды. Ал телефон әлсін-әлсін шырылдаған сайын, біздің де жанымыз жай таппайды. Себебі біздің жедел әрекетіміз қылмыстың ізін суытпай ашуда немесе көмекке мұқтаж азаматтардың өмірін сақтап қалуда маңызды рөл атқарады»,-дейді полиция старшинасы.

Бүгінде  2 қыз бен 1 ұлдың әкесі, жанұясының қорғаны болып жүрген Жақсылық өмірде де, қызметте де атына сай  тек жақсы жағынан көзге көрініп келеді. Оның Алматыда оқып, алғаш бітірген мамандығы теміржолшы болғанымен әскерде борышын өтеп қайтқан соң, мақсаты  түбегейлі өзгерген. Яғни әскерде «Қазақстанға адал қызмет етемін» деген антынан айнымаған патриот болашағын құқық қорғау саласымен байланыстырған. Ендеше білікті полицейдің өмірдегі өз жолын адаспай тапқанына бізде қуаныштымыз.

Еске сала кетсек, 2019 жылы 24 маусымда Арыс қаласындағы әскери қару-жарақ сақтайтын қоймада жарылыс болып, дүрбелең туғызған болатын. Осындай қысылтаяң сәтте өз орындарынан тапжылмай қызмет еткен санаулы полицейлердің  ішінде Жақсылық Пернешұлы да  бар. Ол өзіне қауіп төніп тұрса да болып жатқан жағдайды  көзімен көріп, басшы құрамға айна-қатесіз баяндап отыру міндетін абыроймен атқарғаны үшін  Нұр-Сұлтан қаласына арнайы барып, ҚР Президентінің  қолынан «Жауынгерлік ерлігі үшін»  медалін алған болатын.

«AQ-QARA.KZ»- ақпарат

Түркістан облысының полицейлерімен есірткі қылмысына тосқауыл қою мақсатында жүйелі жұмыстар жасалып келеді. Мәселен 2022 жылдың 5 айында Түркістан облысы ПД Есірткі қылмысына қарсы іс-қимыл басқармасының қызметкерлерімен 185 дерек пен 123 есірткі теріс қылықтары тіркелген. Оның ішінде есірткі контрабандасы-11, есірткі сату-24, аса ірі көлемде есірткі сақтау бойынша 9 жайт  анықталған. Сондай-ақ 17 есірткі өсімдігін егу деректері ашылып отыр.  Облыс сақшылары есірткі заттарын жарнамалау, насихаттау бойынша 1 деректі анықтады. Ғаламтор желісінде есірткіні насихаттайтын құқыққа қарсы контентті анықтау және мониторингілеу кезінде 143 «наркосайтты» анықтап, барлығына шектеу қойылды.

Бұдан бөлек Түркістан облысы ПД Есірткі қылмысына қарсы іс-қимыл басқармасы қызметкерлерінің ұйымдастыруымен саябақтарға, аялдамаларға, мектептер мен ауруханаларға және т.б. қоғамдық орындарға «Есірткіге жол жоқ» және «Балаларыңызды есірткіден қорғаңыз» тақырыбында түсіндірме құралы ретінде дайындалған плакат жапсырмалары қабырғалар мен хабарландырулар тақтайшаларға жабыстырылды. Есірткі және нашақорлыққа қарсы барлығы 35 000 жуық оқушы мен студент жастар қатысқан 44 профилактикалық іс-шара өткізілді. Оның ішінде 2 акция, 3 семинар, 25 лекция, 3 дөңгелек үстел, 4 кездесулер, 1 спорттық жарыс (марафон) және басқа да 6 іс-шаралар бар.

 Мысалы 26 маусым Нашақорлыққа қарсы күрес күніне орай 30 күнге жоспарланған шаралар бастау алды. Оның ішінде ауқымды «Есірткісіз болашақ» акциясы, таңғы жаттығулар, велосипедшілер шеруі, полицейлердің жауынгерлік дайындығы, жастардың спорттық өнерлері, бірыңғай флешмоб өткізілді. Мемлекеттік қызметшілер мен құқық қорғау саласының қызметкерлері арасында марафон ұйымдастырылды. Одан бөлек маусым айының 1-інен бастап «Қарасора-2022» атты кең ауқымды республикалық жедел-профилактикалық іс-шарасы басталды. Бұл бойынша тәртіп сақшыларымен қыруар жұмыстар атқарылуда. Оның ішінде есірткі қылмыстарын болдырмау және алдын алу мақсатында рейдтер ұйымдастыру, қажетті мамандар, соңғы үлгідегі техникалар мен  қызметтік-іздестіру иттерін жұмылдыру, жалпы қылмыстың жолын кесуге бағытталған жедел шаралар және жас буын өкілдерімен болатын кездесулер мен семинарларды атап өтсек болады.

Облыс полицейлері психикаға тікелей әсер етіп, одан әрі адам ағзасын құртып жіберуге әкелетін есірткі заттарына мүлдем жоламауды ескертеді. Егер заңмен тыйым салынған есірткіге қатысты қандай да бір қылмыс жасаған болсаңыз, қылмыстық кодекске сәйкес заң алдында ең ауыр қылмыстық жауапкершілікке тартылатыныңызды ұмытпаңыз.

«AQ-QARA.KZ»- ақпарат