Бұл туралы  Түркістан облысының Өңірлік коммуникациялар қызметі хабарлайды. Нысан мемлекеттік тұрғын үй қорынан тұрғын үйге мұқтаж ретінде 184 ата-анасының қамқорлығынсыз қалған балалардың мәселесін шешуге сеп болды. Ғимараттың жалпы алаңы – 586,3 шаршы метрді, ал тұрғын үйдің алаңы – 367,8 шаршы метрді құрайды.
Мемлекеттік бағдарлама аясында 2019 жылы жергілікті бюджет есебінен қаралған қаржыға жобалық-сметалық құжаттары дайындалып, ғимаратты күрделі жөндеуден өткізу үшін 84 млн. теңге қаражат жұмсалған. Күрделі жөндеу жұмыстарын "Астана - Көктем С" ЖШС мердігер мекемесі жүргізді.
   Ғимараттағы тұрғын үй жайларымен 17 жетім және ата-анасының қамқорлығынсыз қалған балалар (отбасы) қамтамасыз етілді.  Сайрам ауданының әкімі Ұласбек Сәдібеков солардың ішінен 5 отбасыға пәтердің кілтін салтанатты түрде табыстады. Жаңа баспана иесі атанған жандар қуанышымен бөлісіп, алғыс білдірді.

«AQ-QARA.KZ»-ақпарат