«Қазақстан Республикасындағы Тіл туралы» Заңының 21-бабы бойынша заң талаптарының сақталуын қамтамасыз ету және Рысқұлов, Тастұмсық округтеріндегі көшелердің көрнекті жерлерінде, ғимараттарда, мекемелерде жазылған атаулардың, коммерциялық нысандар атауларының, жарнама мәтіндерінің қате жазуларын реттеу, дұрыс жазылуы мен эстетикалық безендірілуіне зерделеу жұмыстарын жүргізу мақсатында «Сауатты жарнама - тіл тазалығының айнасы» атты акция өткізілді.

Акцияға аудандық мәдениет және тілдерді дамыту жөніндегі бөлімі, аудандық кәсіпкерлік бөлімі, Рысқұлов, Тастұмсық ауылдық округінің мамандары, «Тілдерді оқыту және дамыту орталығы» КММ, «Жастар ресурстық орталығы» КММ қызметкерлері қатысты.

Акция аясында заң талаптарына сәйкес келмейтін бірқатар нысан иелеріне ескертулер жасалынып, коммерциялық обьектілерге әдістемелік көмек, түсіндіру жұмыстары жүргізілді.

 «AQ-QARA.KZ»-ақпарат