Бағдат Орманов – қатерлі дертке шалдыққан науқастарды емдейтін білікті дәрігер. Медицина маманы жиырма жылдан бері денсаулық сақтау саласында аянбай еңбек етіп келеді.
Бұл туралы Шымкент қаласы әкімдігінің баспасөз қызметі хабарлайды.
Б. Орманов қазір қалалық онкологиялық орталықта онкогинеколог дәрігері болып жұмыс істейді. Жатырдың қатерлі ісігі, гинекологиялық ауруға шалдыққан науқастардың өмірін аман алып қалу үшін дәрігер жылына 200-ден аса күрделі оталар жасайды.
Бағдат Намазбайұлы жоғары технологияларды қолдана отырып, ота жасауды толық меңгерген білікті маман. Дәрігер Корея Республикасында онкология және гинекологиядағы лапороскопиялық және эндоскопиялық хирургия бойынша біліктілігін арттырған.
Біліктілігімен қатар, өз ортасында қапарайымдылығымен сыйлы дәрігер халықтың алғысына бөленген абзал жан.
«AQ-QARA.KZ» - ақпарат