Медицина қызметкерлері өкпесі қабынған науқастардың көбіне жасанды тыныс алу құрылғылары қажет екенін, науқас саны көбейген сайын аталған оттегі концентраторына деген сұраныс та артып жатқанын айтуда. Құрылғылар аудандық ауруханада ашылған провизорлық орталыққа жеткізілген.

Айта кетейік, Түркістан облысындағы мекемелерде 8 оттегі станциясы, 400 ӨЖЖ аппараты, мыңнан аса оттегі аппараты бар. Сондай-ақ, 2 айға жететін дәрі-дәрмек қоры жасақталған, 40-тан астам дәрі қоймасы мен 800-дей дәріхана бар.

Сондай-ақ, Түркістан облысы вакциналау бойынша елімізде 2-орында тұр. Өңірге вакцинаның 690 мыңға жуық дозасы жеткізілген. І-компонентпен 660 мыңдай адам немесе 95%, ІІ-компонентпен – 444 545 адам немесе 77% егілген. Сондай-ақ, облыс аумағында инфекциялық төсек-орын санын 6 мыңға дейін жеткізуге мүмкіндік бар.

«AQ-QARA.KZ» - ақпарат