Екі күнге жалғасатын шарада шетелден және еліміздің өзге өңірінен келген дәрігерлер жүрек қызметін жақсарту бойынша тәжірибе алмасуға зор мүмкіндік алуда.

Халықаралық деңгейдегі шараның ашылу салтанатына қала әкімінің бірінші орынбасары Қуаныш Асылов қатысып, үшінші мегополистегі кардилогия саласындағы жетістіктерге тоқталып өтті.

– Бүгінгі күні Шымкент жүрек орталығы мамандандырылған және жоғары мамандандырылған медициналық көмекті қала және Түркістан облысы тұрғындарына көрсетеді. Орталық медициналық қызметтердің сапасын жоғары мамандандырылған медициналық көмектің үлесін арттыра отырып, стент-графт, ЭКМО, Tavi, LVAD имплантациясы сияқты жаңа технологияларды енгізді. 2019 жылдан бастап 2023 жылдың ағымдағы кезеңіне дейін, 16 жаңа технология енгізіліп, 230-дан астам қызметкер біліктілігін арттырды, 34 мастер-класс және 2 халықаралық конференция өткізілді. Орталықтың осы жетістікке қол жеткізуі тікелей Шымкент қаласы әкімдігінің қолдауымен жүргізілуде. Өздеріңізге белгілі, ел тарихындағы алғашқы жүрек трансплантациясы 2012 жылы арамызда отырған Юрий Владимирович Пяның басшылығымен Астана қаласында жасалып, қазіргі таңда оның саны 90-ға жеткен. Конференцияға қатысушыларға, өткізілетін мастер-класстарға нәтижелі жұмыс тілеймін. Осы конференцияның өтуі Шымқала тұрғындарының денсаулығын көтеретініне сенімдімін, -деді Қ.Асылов.

Жалпы конференция барысында теориялық практикамен қатар дәрігерлер жоғары мамандандырылған оталарды жасау бойынша біліктіліктерін арттырады. Шараның басты мақсаты – созылмалы жүрек жеткіліксіздігі бар науқастарды диагностикалау мен емдеуде қазақстандық және шетелдік кардиология, кардиохирургия мамандарының тәжірибе алмасуына мүмкіндік жасау.

Конференция қорытындысы бойынша Орталық Азияда созылмалы жүрек жеткіліксіздігі бағдарламасын дамыту мәселелері бойынша шаралар іске аспақ.

Еске сала кетейік, биыл алғаш рет қаладағы Жүрек орталағында еліміздің бас кардиохирургі Юрий Пяның қатысуымен жүрек алмастыру отасы жасалды. Операция сәтті өтіп, дәрігерлер 61 жастағы тұрғынның жүрегін хирургиялық жолмен алмастырып берді.

Шымкент қаласының халқы 1 қыркүйектегі мәліметке сәйкес, 1 210 658 адамға жеткен. Бұл көрсеткіш республикада 6-шы орынды, тығыздығы бойынша 3-ші орынды иемденген. Ақпараттық-коммуникациялық орталығында өткен баспасөз брифингте Шымкент қаласы статистика департаментінің басшысы Ерназар Құлтаев осылай деп мәлімдеді. Оның айтуынша, халық саны өткен жылдың осы кезеңімен салыстырғанда 29 193 адамға артқан.

Үшінші мегаполис туу көрсеткіші бойынша 4-ші орында екен. Осы жылдың 8 айында шаһарда 20 234 сәби өмір есігін ашыпты. Ал, халықтың орташа бір айда жан басына шаққандағы ақшалай табысы ІІ тоқсандағы көрсеткішке сәйкес, 110 986 теңгені құрап, өткен жылдың осы уақытымен салыстырғанда 21,1 пайызға, нақты ақшалай табыс 5,1 пайызға өткен.

–Ақшалай табыстың негізгі бөлігі – жалдамалы және өзін-өзі жұмыспен қамтылудан түскен. Халықтың жұмыспен қамтылуын зерттейтін сауалнама нәтижесінде 2023 жылдың ІІ тоқсанында жұмыссыздар саны 21 845 болды. Мұны 2022 жылмен салыстырғанда 795 адамға кемігенін көрсетті. Биылғы жылдың алғашқы жартыжылдығында жұмыс істеп жүрген бір қызметкердің орташа еңбекақысы (шағын кәсіпорындардағы қызметкерлерді есепке алмағанда) 290 858 мың теңгені құрап, республикада орташа жалақы бойынша 18 орында тұр. Негізінен ең жоғары еңбекақы көлік және жинақтау саласы мен қызмет көрсету салалаларына тиесілі. Сонымен қатар, азық-түлік тауарларының бағасы 3,4 пайызға, азық-түлік емес тауарлар 7 пайызға, халыққа ақылы қызмет көрсету – 9,6 пайызға көтерілді. Әлеуметтік маңызы бар азық-түліктен қырыққабат — 91 пайызға, күріш – 49, сәбіз – 24,7, картоп – 10,3 пайызға бағасы өскен. Ал, қарақұмық – 33,1, күнбағыс майы — 25,5, қант- 9,7, тауық еті – 6,1 пайызға арзандады, — деді Ерназар Сейтханұлы.

Брифинг барысында спикер қаланың экономикалық дамуына да тоқталды. Осы жылдың 1 қазанына дейін 28 334 заңды тұлға тіркеліп, өткен жылдан 5 пайызға өскен. Бұл көрсеткіш республика бойынша заңды тұлғалардың жалпы санында қаланың үлесі 5,3 пайызды құрайды. Жалпы, заңды тұлғалардың басым бөлігі сауда саласына тиесілі. Бұл бағытта қаладағы кәсіпорындардың 30 пайызына жеткен. Сондай-ақ, Шымкентте жыл басынан бері өнеркәсіп орындарымен үй шаруашылықтары секторын қоса алғанда 7,6 млрд теңгенің өнімі өндіріліпті. Мұны 2022 жылмен салыстырғанда 1,5 пайызға артқанын көресетді.

–Осы жылдың қаңтар-қыркүйек айларында негізгі капиталға 434,4 млрд теңге инвестиция тартылған. Бұл инвестицияның басым бөлігі жылжымайтын мүлік пен көлік, өнеркәсіп салаларына тиесілі. Инвестиция салымдарының 78 пайызын шағын кәсіпорындар жүзеге асырған, — деді департамент басшысы.