Қазіргі кезде аймақта бидай ору маусымы басталды. Дихандар науқанға білек сыбана кірісті. Олар жайдары жаздың әр сәтін қалт жібермей, астық ору қарқынын үдете түскен.

Бүгінде ауданда биыл егілген егіс көлемі - 65946 га құрады. Оның ішінде:

1) Бидай - 14397 га (8171 га күздік бидай, 6226 га жаздық бидай);

2) Арпа - 7125 га;

3) Майлы дақылдар - 11459 га (11399 га мақсары, 60 га күнбағыс);

4) Ескі жоңышқа - 24903 га;

5) Жаңа жоңышқа - 4660 га;

6) Сүрлем жүгері - 80 га;

Сондай-ақ, егілген көкөніс көлемі: 1)Картоп – 1352 га;

2) Көкөніс – 1825 га. Дәнді дақылдар арасында ноқат -145 га жерге егілді.

Биылғы жыл шаруалар үшін ырысты жыл болмақ. Бүгінгі күнге – Аққұм, Бірінші Мамыр, Зертас, Кемеқалған, Киелітас, Көксәйек және Тасарық ауылдық округтерінде астық ору басталып, жалпы 2602 га бидай және 2932 га арпа орылды. Бидайдың түсімділігі 10,2 ц/га айналып – 2647 тонна, арпаның түсімділігі – 9,3 ц/га айналып – 2735 тонна өнім жиналды.

14 мыңнан астам гектар егістік алқапқа бидай егілсе, бастысы астықтың түсімділігі жақсы. Аудан аумағында астық ору науқанына 64 комбайн және 420-ға жуық доңғалақты техника қатысатын болады.

«AQ-QARA.KZ» - ақпарат